2015-01-27 10:29:38, 321 ნახვა
პოლიტიკა
ღარიბაშვილი: ამაყნი ვართ, რომ ბალტიის სახელმწიფოებში გამორჩეული მეგობრები გვყავს
სასტუმრო "რედისონში" საქართველო-ლიტვის ბიზნესფორუმი მიმდინარეობს. პრემიერ-მინისტრმა ირაკლი ღარიბაშვილმა ფორუმზე სიტყვით გამოსვლისას ყურადღება საქართველო-ლიტვას შორის სავაჭრო-ეკონომიკური ურთიერთობების გაღრმავებაზე გაამახვილა. ღარიბაშვილის განმარტებით, დღევანდელი ბიზნესფორუმი კარგი შესაძლებლობაა იმისა, რომ ქართველმა და ლიტველმა ბიზნესმენებმა მოსაზრებები გაცვალონ. ამასთან, პრემიერის განცხადებით, საქართველო ამაყია, რომ ლიტვის სახით გამორჩეული მეგობარი ჰყავს. „ჩვენ კიდევ უფრო მეტად უნდა გავაღრმაოთ ურთიერთობები ჩვენს ნამდვილ მეგობარ ქვეყანასთან- ლიტვასთან. ლიტვა არის მართლაც გამორჩეული მეგობარი საქართველოსი. ყოველთვის ვგრძნობთ ლიტვის მთავრობის მხარდაჭერას. ამაყნი ვართ, რომ გვყავს გამორჩეული მეგობრები ბალტიის სახელმწიფოებში. ფორუმი კარგი შესაძლებლობაა იმისა, რომ ქართველმა და ლიტველმა ბიზნესმენებმა, ეკონომიკური გუნდის წარმომადგენლებმა მოსაზრებები გაცვალონ იმასთან დაკავშირებით, თუ როგორ უნდა გავაღრმაოთ სავაჭრო-ეკონომიკური ურთიერთობები, როგორ უნდა მოვიზიდოთ ინვესტორები ლიტვიდან და პირიქით, ქართველები როგორ დავაინტერესოთ ლიტვაში ინვესტიციების გაცვლით. საქართველოს განვითარების ერთ-ერთი ყველაზე მნიშვნელოვანი ფაქტორი, მისი ევროპული და ევროატლანტიკური ინტეგრაციაა. ეს არის საქართველოს ურყევი გადაწყვეტილება. ეს პირდაპირ არის დაკავშირებული საქართველოს დემოკრატიულ ტრანსფორმაციასთან“, - განაცხადა ირაკლი ღარიბაშვილმა. დღესვე, საქართველო-ლიტვას შორის ორმხრივი ეკონომიკური თანამშრომლობის შესახებ შეთანხმებას მოეწერა ხელი. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ბორელი - მოვუწოდებ საქართველოს პოლიტიკურ ლიდერებს, გაიწვიონ კანონპროექტი და ქვეყანას ევროპული გზიდან არ გადაახვევინონ
რიში სუნაკი და ოლაფ შოლცი თავდაცვის სფეროში მჭიდრო თანამშრომლობაზე შეთანხმდნენ
ხასაია - მიუხედავად ყველაფრისა, 2600 ლარით დამაჯარიმეს- სპექტაკლი დასრულებულია
ჯო ბაიდენმა უკრაინის, ისრაელისა და ტაივანის დახმარების კანონპროექტს ხელი მოაწერა
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|