საქართველოს პარლამენტის თავმჯდომარე, დავით უსუფაშვილი, კონსტიტუციის დრის უქმე დღედ გამოცხადებასთან დაკავშირებით,  პრეზიდენტის ინიციატივას გამოეხმაურა. როგორც უსუფაშვილმა აღნიშნა,  იდეაზე მსჯელობა შეიძლება, თუმცა ფიქრობს, რომ უკვე საკმარისად ბევრი უქმე დღე გვაქვს.

"კონსტიტუციით ეს პარლამენტის პრეროგატივაა. მას ჰქონდა ეს იდეა, ამაზე მსჯელობა შეიძლება, თუმცა მე რომ მკითხოთ, ისედაც ძალიან ბევრი უქმე დღე გვაქვს. ჩვენ ბევრი უნდა ვიშრომოთ, რომ კონსტიტუცია ცხოვრებაში დაინერგოს. მაგრამ ვნახოთ, მე დღეს პირველად მოვისმინე ეს იდეა და დავფიქრდეთ. ყოველ წელს რომ უნდა აღვნიშნოთ - ეს ნამდვილად ასეა,"- განაცხადა დავით უსუფაშვილმა.

 საქართველოს პრეზიდენტი გიორგი მარგველაშვილი კონსტიტუციის დღის უქმე დღედ გამოცხადების ინიციატივით გამოვიდა. ამის შესახებ გიორგი მარგველაშვილმა ავლაბრის რეზიდენციაში საქართველოს კონსტიტუციის 20 წლისთავთან დაკავშირებით საზეიმო მიღებაზე სიტყვით გამოსვლისას განაცხადა.

„დამსწრე საზოგადოებას მინდა გაგიზიაროთ იდეა, დღევანდელი დღის უქმე დღედგამოცხადების შესახებ, რაც, ასევე, კიდევ უფრო ხაზს გაუსვამს იმას, რომ ეს დოკუმენტითითოეულ მოქალაქეს ეკუთვნის“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters - აშშ-მა უკრაინას ATACMS-ის რაკეტები ფარულად გაუგზვნა

უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს

ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს

„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ