ევროსაბჭომ უკრაინის მხარდასაჭერი რეზოლუცია მიიღო

2015-01-28 10:51:42, 268 ნახვა

ევროსაბჭოს საპარლამენტო ასამბლეამ სპეციალური რეზოლუცია მიიღო.

უკრაინული მედიის ინფორმაციით, აღნიშნულ დოკუმენტში ოფიციალურად ჩაიწერა, რომ ყირიმის ანექსია რუსეთმა განახორციელა.

დოკუმენტის მიღებით, ასამბლეამ რუსეთი საერთაშორისო სამართლის ნორმების დარღვევაში დაადანაშაულა.

რეზოლუციის ტექსტს მხარი 140-მა დეპუტატმა დაუჭირა, 7 წინააღმდეგი იყო, 8-მ კი, ხმის მიცემისგან თავი შეიკავა.

ასევე, დეპუტატებმა უკრაინაში არსებული ვითარების ესკალაციაში მთავარ დამნაშავედ ვლადიმერ პუტინი გამოაცხადეს.

შეგახსენებთ, რომ დღეს ევროსაბჭოს საპარლამენტო ასამბლეა რუსეთის უფლებამოსილების შეწყვეტის საკითხს კენჭს უყრის, რის შემდეგაც გაირკვევა რუსეთის მიმართ სანქციები გაუქმდება თუ გამკაცრდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან