19:14 - 29 Mar, 2024
რეკლამა/ხელმოწერა
2015-09-03 11:33:06, 335 ნახვა

პოლიტიკა
გიორგი მღებრიშვილი: აშშ–ს მიერ გადმოცემული ტექნიკა, ქვეყნის სუვერენული უფლებების დაცვას ხელს შეუწყობს

შინაგან საქმეთა მინისტრის გიორგი მღებრიშვილის შეფასებით, ქვეყნის სუვერენიტეტის ერთ–ერთი მთავარი კომპონენტი დაცული საზღვარია.

მან ამბასადორიალზე სიტყვით გამოსვლისას აშშ–ს თავდაცვის სფეროში საფრთხეების სააგენტოს ხელმძღვანელობას ბათუმის თანამედროვე ნავმისადგომის მოწყობისა და საქართველოს უსაფრთხოების განმტკიცებაში წვლილის შეტანისთვის მადლობა გადაუხადა.

როგორც მღებრიშვილმა აღნიშნა, აშშ–ს მიერ საქართველოში აშენებული ყველა ობიექტი და ქვეყნისთვის გადმოცემული ტქენიკა, საქართველოს საზღვარზე ქვეყნის სუვერენული უფლებების დაცვას ხელს შეუწყობს.

„ქვეყნის სუვერენიტეტის, სახელმწიფოებრიობის ერთ-ერთი მთავარი კომპონენტი საზღვარია.  დაცული, გამართული სასაზღვრო სისტემა, ჩვენი ძლიერების საფუძველია. ეს ფუნდამენტი უფრო მყარია მაშინ, როდესაც მის გაძლიერებაში გეხმარება ისეთი ძლიერი სახელმწიფო, როგორიც ამერიკის შეერთებული შტატებია.

დიდი მადლობა მინდა გადავუხადო ამერიკის შეერთებული შტატების თავდაცვის სფეროში საფრთხეების სააგენტოს ხელმძღვანელობას ჩვენი ქვეყნის უმნიშვნელოვანესი, სტრატეგიული ობიექტის - ბათუმის თანამედროვე ნავმისადგომის მოწყობასა და საქართველოს უსაფრთხოების განმტკიცებაში შეტანილი წვლილისთვის. აღსანიშნავია, რომ ახალ ნავმისადგომს მოდერნიზებული საპატრულო კატარღაც შეემატა, რომელსაც ჩემი ბრძანებით, მიენიჭა სახელი ბათუმი. ამერიკის შეერთებული შტატების მიერ აშენებული ყველა ობიექტი და გადმოცემული ტექნიკა, ხელს შეუწყობს საქართველოს საზღვარზე ქვეყნის სუვერენული უფლებების დაცვას. ჩვენი უწყება თანმიმდევრულად მიყვება მთავრობის მიერ შემუშავებულ და დამტკიცებულ საქართველოს სახელმწიფო საზღვრის მართვის სტრატეგიასა და 2014-2018 წლების სამოქმედო გეგმას, რომლის შესრულებაც მნიშვნელოვნად ხელს შეუწყობს როგორც სასაზღვრო ინფრასტრუქტურის, ასევე საქართველოს სანაპირო დაცვის გაძლიერებას საერთაშორისო სტანდარტების შესაბამისად აღჭურვასა და ეფექტურ, მოქნილ, მაღალპროფესიულ სამსახურად ჩამოყალიბებას.

კიდევ ერთხელ ვუხდი დიდ მადლობას პარტნიორ სახელმწიფოებს, ჩვენს უცხოელ კოლეგებს, რომლებიც არ იმყოფებიან, გაწეული დახმარებისა და თანადგომისათვის“, – აღნიშნა მღებრიშვილმა.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ბერბოკი - კანცლერს არ ეშინია პუტინის - დროა, შეწყდეს დისკუსიები Taurus-ების უკრაინისთვის გადაცემაზე
პრეზიდენტი - ჩემი მოწოდებაა, ყველამ ერთად დავიწყოთ მუშაობა, რათა დიასპორას საარჩევნო უფლება მივცეთ
ე.წ. კანონიერმა ქურდმა, შაქრო კალაშოვმა საპატიმრო დატოვა
სუს-მა ქრთამის აღების ფაქტზე გადაუდებელი დახმარების ცენტრის 3 ყოფილი თანამშრომელი დააკავა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics