2015-09-03 13:06:23, 561 ნახვა
საზოგადოება
ბათუმში სასაზღვრო პოლიციის მცურავი საშუალებების ბაზირების პუნქტის ნავსადგომი გაიხსნა
საქართველოს პრემიერ-მინისტრმა ირაკლი ღარიბაშვილმა აშშ-ის ელჩის მოვალეობის შემსრულებელთან ნიკოლას ბერლინერთან და აჭარის ა.რ. მთავრობის თავმჯომარესთან არჩილ ხაბაძესთან ერთად ბათუმში ნავმისადგომი გახსნა და ზღვაში საპატრულო კატარღა P-103-ით გავიდა. აჭარის მთავრობის ადმინისტრაციის პრესსამსახურის ინფორმაციით, ღონისძიებას აშშ-ის თავდაცვის საფრთხის შემცირების სააგენტოს დირექტორის მოადგილე, გენერალ-მაიორი ჯონ ჰორნერი და საქართველოს შინაგან საქმეთა მინისტრი გიორგი მღებრიშვილი ესწრებოდნენ. „ბათუმის ნავმისადგომის მშენებლობა აშშ-ის დაფინანსებით ორი წელი გრძელდებოდა. პროექტის ღირებულებაა 14 მილიონი დოლარი. ნავმისადგომში ერთდროულად 15 მცურავი საშუალების გაჩერება იქნება შესაძლებელი. ახალი ნავმისადგომის ამუშავებით, ბათუმში მდებარე საქართველოს სანაპირო დაცვის დღევანდელი ბაზა სანაპირო დაცვის ოპერაციებისათვის საკვანძო ნავსაყუდელი გახდება. ნავმისადგომი მნიშვნელოვნად გააუმჯობესებს საქართველოს სანაპირო დაცვის რეაგირების უნარს და სანაპირო წყლებში საზღვაო საფრთხეების დროულად აღკვეთას შეუწყობს ხელს. ნავმისადგომი საქართველოს სანაპირო დაცვას შესაძლებლობას მისცემს, სათანადო ტექნიკური მომსახურება გაუწიოს თავის კატარღებსა და ინფრასტრუქტურას. გარდა ამისა, ახალი ნავმისადგომი საიმედო პორტი გახდება მეზობელი პარტნიორი ქვეყნების გემებისთვისაც, რათა ისინი საქართველოს სანაპირო დაცვის სამსახურში სტუმრობისას ამ ნავმისადგომში გაჩერდნენ. ბათუმის ნავმისადგომის მშენებლობა ხაზს უსვამს უსაფრთხოების სფეროში შეერთებული შტატებისა და საქართველოს ნაყოფიერ თანამშრომლობას. აშშ და საქართველო მცურავი საშუალებების მოდერნიზაციითა და პორტის ინფრასტრუქტურის გაუმჯობესებით, ერთობლივად იცავენ საზღვაო უსაფრთხოებას შავი ზღვის რეგიონში“, - აცხადებენ აჭარის მთავრობის ადმინისტრაციის პრესსამსახურში. ავტორი: ირაკლი მანაგაძე , ექსპრესნიუსის რეპორტიორი 2009 წლიდან Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|