საქართველოს სახალხო დამცველმა უჩა  ნანუაშვილმა პარლამენტს „პატიმრობის კოდექსში ცვლილებების შეტანის შესახებ“ საქართველოს კანონის პროექტთან დაკავშირებით, წინადადებით მიმართა.
სახალხო დამცველის აპარატის ინფორმაციით, ომბუდსმენი  სასჯელაღსრულების სისტემაში დაგეგმილ ინსტიტუციურ რეფორმას მიესალმება, თუმცა მიაჩნია, რომ წარმოდგენილი კანონის პროექტის რიგი დებულებები  სრულყოფას და ადამიანის უფლებათა ევროპულ სტანდარტებთან დაახლოებას საჭიროებს. სახალხო დამცველი რამდენიმე მნიშვნელოვან შესწორებას გამოყოფს, რომელთა კანონში ასახვა ადამიანის უფლებათა დაცვის მაღალი სტანდარტების დამკვიდრებისთვის მნიშვნელოვანია.
„კერძოდ:პროექტი ითვალისწინებს მხოლოდ ტექნიკურ ცვლილებებს პენიტენციალური დაწესებულების ტერიტორიაზე აუდიო–ვიდეო ტექნიკისა და ფიქსაციის სხვა სახის ტექნიკის გამოყენების საკითხებთან დაკავშირებით. სახალხო დამცველის აზრით, ამ კუთხით არსებითი ცვლილებების გატარებაა აუცილებელი. საქართველოს სახალხო დამცველმა საკანონმდებლო წინადადებით მიმართა საქართველოს პარლამენტს, პატიმრობის კოდექსში და საქართველოს სახალხო დამცველის შესახებ ორგანულ კანონში ცვლილებების შეტანის თაობაზე, რომლის მიხედვითაც საქართველოს სახალხო დამცველს/სპეციალური პრევენციული ჯგუფის წევრს, პატიმრის სხეულზე დაზიანებების კვალის დაფიქსირების მიზნით, უნდა მიენიჭოს ფოტო, ვიდეო და აუდიო ჩაწერის საშუალებების სასჯელაღსრულების დაწესებულებაში შეტანის, გადაღებისა და აუდიო ჩაწერის უფლება. საქართველოს სახალხო დამცველისთვის პრინციპულად მნიშნველოვანია, რომ აღნიშნული წინადადება განხილულ იქნეს ამ ცვლილებებთან ერთად და პარლამენტმა იმსჯელოს საქართველოს სახალხო დამცველისთვის/სპეციალური პრევენციული ჯგუფის წევრებისთვის ამ  უფლებამოსილების მინიჭების შესახებ.
პროექტის მიხედვით, სამინისტროს პირობით ვადამდე გათავისუფლების მუდმივმოქმედი კომისია უქმდება და ეს ფუნქცია დარჩება მხოლოდ ადგილობრივ საბჭოებს. სახალხო დამცველის აზრით, მხოლოდ სამინისტროს მუდმივმოქმედი კომისიის გაუქმება ვერ აღმოფხვრის დღეს არსებულ პრობლემებს. მნიშვნელოვანია, კანონში პრინციპის დონეზე აღინიშნოს, რომ  საბჭოს  გადაწყვეტილება უნდა იყოს დასაბუთებული და, რომ საბჭომ გადაწყვეტილება უნდა მიიღოს მხოლოდ ზეპირი მოსმენის საფუძველზე“,-ნათქვამია სახალხო დამცველის აპარატის მიერ გავრცელებულ განცხადებაში.
შემოთავაზებული პროექტი, კანონის დღეს მოქმედი რედაქციის მსგავსად, თავისუფლების აღკვეთის დაწესებულების ტიპის დეპარტამენტის დირექტორის მიერ განსაზღვრას ითვალისწინებს. უჩა ნანუაშვილის აზრით, პატიმართა განთავსების
[15:05:39] TAKO TAKO: საკითხებთან დაკავშირებით არსებული პრობლემების გამოსწორების მიზნით,  უმჯობესია, თუ პირველ ეტაპზე მსჯავრდებულს თავისუფლების აღკვეთის დაწესებულების ტიპს სასამართლო განუსაზღვრავს.
„საგულისხმოა, რომ შემოთავაზებული ცვლილებების მიხედვით, იზრდება ადმინისტრაციული პატიმრობის შეფარდების საფუძველთა ჩამონათვალი. შესაძლებელი ხდება განსაკუთრებული რისკის თავისუფლების აღკვეთის დაწესებულებაში მყოფი მსჯავრდებულებისთვის 90 დღე–ღამემდე ვადით ადმინისტრაციული პატიმრობის შეფარდება. თვისობრივად ერთი და იგივე ქმედებისთვის შესაძლებელი ხდება თავისუფლების აღკვეთის სხვადასხვა ტიპის დაწესებულებაში განთავსებული პატიმრებისთვის აშკარად არაპროპორციული სახდელების გამოყენება. ამასთან, ადმინისტრაციული პატიმრობის შეფარდების სამართალწარმოება კვლავ პრობლემურ საკითხად რჩება. არსებული რეგულაციებით პატიმარს არ ეძლევა საკმარისი დრო და საშუალება საკუთარი დაცვის მოსამზადებლად, რაც ეწინააღმდეგება ადმიანის უფლებათა და ძირითად თავისუფლებათა დაცვის ევროპული კონვენციის მე–6 მუხლს. თუ ადმინისტრაციული პატიმრობა, როგორც სასჯელის ვადა, დარჩება პატიმრობის კოდექსში, აუცილებელია, გადაიხედოს პატიმრობის მაქსიმალური ვადა და 90 დღიდან შემცირდეს 15 დღემდე.
გარდა ამისა, სახალხო დამცველის წინადადებაში იდენტიფიცირებულია კანონის პროექტის სხვა  პრობლემური საკითხები, რომლებიც შემდგომ დახვეწას საჭიროებს.
შესაბამისად, საქართველოს სახალხო დამცველი წინადადებით მიმართავს საქართველოს პარლამენტს, გამოსწორდეს კანონის პროექტის ხარვეზები მისი ადამიანის უფლებათა დაცვის საერთაშორისო სტანდარტებთან შესაბამისობაში მოყვანის მიზნით და გამოთქვამს სამუშაო პროცესში აქტიური მონაწილეობის მზადყოფნას“,-განმარტავენ ომბუდსმენის აპარატში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს

ვლადიმერ პუტინი მაისში ჩინეთში ვიზიტს გეგმავს

CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი

შოლცი - საფრანგეთს და გერმანიას სურს, რომ ევროპა ძლიერი დარჩეს