კომისიაში, რომელიც უზენაესი სასამართლოს თავმჯდომარეობის კანდიდატს შეარჩევს, პრეზიდენტის ნდობით აღჭურვილი პირები შევლენ.
ამის შესახებ საქართველოს პრეზიდენტმა გიორგი მარგველაშვილმა ავლაბრის რეზიდენციაში გამართულ ბრიფინგზე განაცხადა.
როგორც მარგველაშვილმა განმარტა, მიუხედავად კანდიდატურების საზოგადოებისგან მიღებისა, მთელი პასუხისმგებლობა პრეზიდენტის ინსტიტუტს ეკისრება.
„ეს იქნება ადმინისტრაციაში დამომპლექტებული კომისია, რომელშიც შევლენ ჩემი ნდობით აღჭურვილი პირები, ანუ ჩემი მრჩევლები. მინდა საზოგადოებას გავახსენო, რომ ეს გადაწყვეტილება, რომ ასე ღიად გავხსნათ ეს პროცესი მიმდინარეობს იმ ფონზე, რომ პრეზიდენტს არანაირი ვალდებულება არ გააჩნია არა მხოლოდ კანდიდატურების საზოგადოებისგან მიღების, არამედ კონსულტაციებისაც კი, მაგრამ ამავე დროს, მთელი პასუხისმგებლობა არის პრეზიდენტის ინსტიტუტზე. შესაბამისად, რაც შეეხება კომისიას და წარმოდგენილი კანდიდატურების განხილვას შესაბამისი კრიტერიუმების საფუძველზე, ბუნებრივია, პრეროგატივას პრეზიდენტის ინსტიტუტი იტოვებს ადმინისტრაციის და მისი მრჩევლების ფარგლებში“, - განაცხადა გიორგი მარგველაშვილმა.
პრეზიდენტის ადმინისტრაციას დაინტერესებულმა ჯგუფებმა თავიანთი კანდიდატურები 9 თებერვლამდე უნდა წარუდგინონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პარლამენტში დღეს უსაფრთხოების ყვითელი დონე მოქმედებს

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა