2015-10-03 21:22:37, 686 ნახვა
საზოგადოება
საქართველოს ფეხბურთის ფედერაციის პრეზიდენტი ლევან კობიაშვილი გახდა
საქართველოს ფეხბურთის ფედერაციის პრეზიდენტის არჩევნებში ლევან კობიაშვილმა გაიმარჯვა. არჩევნებში მონაწილეობას სფფ-ის საარჩევნო ყრილობის 33 დელეგატი იღებდა. მათგან 18-მა ხმა ლევან კობიაშვილს მისცა, 15-მა რეზი არველაძეს, პრეზიდენტობის მესამე კანდიდატმა მამუკა კვარაცხელიამ კი, ვერცერთი ხმა ვერ მიიღო. მანამდე ფედერაციის ყრილობაზე დელეგატებმა რაჭა-ლეჩხუმი ქვემო სვანეთისა და გურიის ფედერაციების პრეზიდენტების ხმის უფლებაზე იმსჯელეს. ყრილობის გადაწყვეტილებით, არჩევნებში მონაწილეობის უფლება ჩამოერთვათ გურიის და რაჭა-ლეჩხუმი ქვემო სვანეთის ფედერაციის პრეზიდენტებს კახაბერ ებრალიძეს და გია შარაბიძეს. ცნობისთვის, ფეხბურთის ფედერაციის პრეზიდენტის არჩევნები დღეს 11:00 საათზე იყო ჩანიშნული, თუმცა დაახლოებით 9 საათის დაგვიანებით დაიწყო. სასტუმრო „ჰოლიდეი ინნ“-ში მთელი დღის განმავლობაში ხმაური იყო. არჩევნების დაწყების პროცესი ერთ-ერთი დელეგატის გეგა გობეჯიშვილის დაკავების გამო შეფერხდა, რომელიც გუშინ, გვიან ღამით დააკავეს. გობეჯიშვილი ადმინისტრაციულ სამართალდარღვევათა კოდექსის 45-ე მუხლით იყო დაკავებული, რაც ნარკოტიკული საშუალების მოხმარებას გულისხმობს. იგი სასამართლომ დღეს 500 ლარის ოდენობის ჯარიმის სანაცვლოდ გაათავისუფლა. არჩევნების მიმდინარეობას სფფ-ის პრეზიდენტობის კანდიდატები, დელეგატები, ფეხბურთის ფედერაციის მაღალჩინოსნები, სპორტისა და ახალგაზრდობის საქმეთა მინისტრი ტარიელ ხეჩიკაშვილი, უეფა-ს ვიცე-პრეზიდენტი და სხვა წარმომადგენლები ესწრებოდნენ. არჩევნებს დაესწრო ვიცე-პრემიერი, ენერგეტიკის მინისტრი კახა კალაძეც, რომელიც მიწვეულ პირთა სიაში არ იყო. როგორც მოგვიანებით კალაძემ განმარტა, „ჰოლიდეი ინნ“-ში მისი მისვლის მიზეზი უეფას ვიცე პრეზიდენტთან გრიგორი სურკისთან შეხვედრა იყო. ფეხბურთის პრეზიდენტის თანადებობაზე 4 წლის ვადით აირჩიეს. მანამდე აღნიშნულ თანამდებობას ზვიად სიჭინავა იკავებდა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|