2015-10-04 10:40:56, 1018 ნახვა
საზოგადოება
მედეა ტუღუში: ოჯახის ექიმს უნდა შეეძლოს ყველა თერაპიული პათოლოგიის მართვა
ჯანდაცვის პირველადი რგოლის დაგეგმილ რეფორმას რიგითი ექიმები დადებითად აფასებენ. როგორც „ავერსის“ კლინიკის ალერგიოლოგი მედეა ტუღუში მიიჩნევს, რეფორმა ცალსახად დროული და მიზანმიმართული უნდა გამოდგეს. ტუღუშის მოსაზრებით აუცილებელია ოჯახის ექიმის ინსტიტუტის წინა პლანზე წამოწევა, ვინაიდან სწორედ ოჯახის ექიმები არიან ის ადამიანები, ვისაც პირველადი შეხება აქვთ პაციენტთან და ვინც შემდგომი ორიენტაცია უნდა მისცეს მათ. „ოჯახის ექიმს უნდა შეეძლოს ყველა თერაპიული პათოლოგიის მართვა, ის უნდა იყოს ორიენტაციის მიმცემი პაციენტისთვის. დღეს თითქოს უფრო გაიოლებულია ეს საქმე და ოჯახის ექიმებსაც სათანადო სერიოზულობით არ უყურებენ, არადა რეალურად ეჯახის ექიმი არის სწორედ ის ადამიანი რომელსაც პირველი შეხება აქვს პაციენტთან და მასზეა პაციენტის შემდგომი ჯანმრთელობის მდგომარეობა დიდწილად დამოკიდებული. აქედან გამომდინარე ოჯახის ექიმის წინა პლანზე წამოწევა სრულიად გამართლებულია, ვიანიდან ყველა სხვა სიკეთესთან ერთად, ეს შეამცირებს ხარჯებსაც. რა თქმა უნდა, ოჯახის ექიმი იქნება კვალიფიციური და სრულყოფილად უნდა შეასრულოს თავისი საქმეს. წარმოიდგინეთ, რამდენის დაზოგვას შეძლებს სახელმწიფო და პაციენტიც, როდესაც ის კი არ მივა ვიწრო სპეციალისტთან და ცალ–ცალკე კი არდაიწყებს ყველაფრის კვლევას, არამედ მივა ოჯახის ექიმთან და ის შემდეგ სწორ ორიენტაციას მისცემს პაციენტს“, – აცხადებს მედეა ტუღუში. „პირადი გამოცდილებიდან და იმ ექიმებზე დაყრდნობით, ვისთანაც შეხება მაქვს, შემიძლია განვაცხადო, რომ ნამდვილად არ არიან ჩვენი ექმები დაბალი კვალიფიკაციის. რა თქმ უნდა, კარგი იქნება ტრენინგების ინტენსიფიკაცია, სადაც ექიმები შეძლებენ ინფორმაციის გაცვლას და ცოდნის გაღრმავებას, ასევე კარგი იქნება მეტი კოორდინაცია იყოს ექიმებს შორის, რათა მათ შეძლონ ერთმანეთს გაუზიარონ თავიანთი გამოცდილება. ასევე მინდა შევეხო ექიმების ანაზღაურებასაც, ეს საკითხი აუცილებლად უნდა გადაიხედოს,“ – განაცხადა ტუღუშმა. ექიმი მედიკამენტების ფასების პრობლემასაც შეეხო და აღნიშნა, რომ ფასები მაღალია, თუმცა ამ კუთხით არ ვართ გამონაკლისები, რადგან ხარისხიანი მედიკამენტი იაფი არასოდეს ღირს. „ამის მიხედავად უნდა ინახოს გზა, რომლითაც ფასები დაბალანსდება, რათა ადამიანები არ დარჩნენ მკურნალობის და მედიკამენტების გარეშე და აქ გასათვალისწინებელია ჩვენი ქვეყნის სოციალური მდგომარეობაც“, – მიაჩნია ტუღუშს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ვაშაძე გომელაურს - ვერ გამოხვედით ივანიშვილის პირადი დაცვის უფროსის ფსიქოლოგიიდან, თქვენ არ ხართ შს მინისტრი
ირაკლი ღარიბაშვილი ევროკავშირის ელჩს შეხვდა
პროკურატურამ განზრახ მკვლელობის მცდელობის ფაქტზე ერთ პირს ბრალდება წარუდგინა
კალაძე „საგადასახადო კოდექსში“ შეტანილ ცვლილებებზე - ეს ხელს შეუწყობს ეკონომიკის განვითარებას, ქვეყანაში მეტი ინვესტიციის მოზიდვას
|
ომი უკრაინაშირუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|