ექსპერტები სტატისტიკის ეროვნული სამსახურის მონაცემებს არასანდოდ მიიჩნევენ. მათ „ესპრესნიუსთან“ საუბრისას აღნიშნეს, რომ ციფრები, რომელსაც სტატისტიკის ეროვნული სამსახური აქვეყნებს დამახინჯებულია. ზოგიერთი სპეციალისტის მტკიცებით, საქსტატის მსგავსი დამოუკიდებელი ორგანოები ხელისუფლების ზეწოლას განიცდიან.

„სტატისტიკური ინფორმაცია, ვთვლი, რომ არასაიმედო გახდა. საქსტატი მაინცდამაინც კეთილსინდისიერად არ მუშაობს. რწმენა დაიკარგა მის მიმართ, რაც ძალიან ცუდია.  არასწორ, უცნაურ ციფრებს დებს. მგონია, რომ ინვესტიციების თვალსაზრისით მანიპულირება ხდება. მისი მოტივაცია შეიძლება იყოს ის, რომ ზემოქმედების ქვეშ არის.

საქსტატი იქნება, თუ მარეგულირებელი ენერგეტიკის დარგში, ვითომ სხვა დამოუკიდებელი ორგანო ზეწოლას განიცდის ხელისუფლებისგან“, - აცხადებს ექსპერტი ეკონომიკურ საკითხებში გიგა ბედინეიშვილი.

ეროვნული ბანკის ყოფილმა პრეზიდენტმა რომან გოცირიძემაც აღნიშნა, რომ სტატისტიკის სამსახური ცუდად მუშაობს და ინფორმაციას ამახინჯებს.

„ინფორმაციას ან შეგნებულად ამახინჯებს, ან მას არ აქვს გამართული მეთოდოლოგია“,  - აცხადებს რომან გოცირიძე.

არასამთავრობო ორგანიზაცია „საზოგადოება და ბანკების“ თავმჯდომარეც მანიპულაციების შესაძლებლობაზე საუბრობს. მისი განმარტებით, ანალიტიკოსებს და ექსპერტებს აქვს კითხვის ნიშნები და ამ კითხვის ნიშნების არსებობას გარკვეული საფუძველი და ლეგიტიმაცია გააჩნია.

“იმისთვის, რომ არ ვენდოთ საქსტატის მონაცემებს რეალურად ჩვენ ამის არგუმენტები, დამადასტურებელი ფაქტი გვჭირდება, რაც არ მაქვს. თუ საქართველოს სტატისტიკის სამსახური, ვთქვათ არ აქვეყნებს ზუსტ ინფიორმაციას, ამით ქვეყანას ცუდ იმიჯს შეუმქნის, რადგან ეს არის წყარო არამხოლოდ ქართველი ბიზნესმენებისთვის და ეკონომისტებისთვის, არამედ უცხოელი ინვესტორებისთვისაც. გარკვეული კითხვისნიშნები მეც მსმენია საქსტატის მონაცემეთან დაკავშირებით. შესაძლებელია იყოს გარკვეული მანიპულაცია, ინვესტიციებში, რაღაცით ასახვა ისეთით, რაც უფრო იმპორტია და არა ინვესტიცია.

ანალიტიკოსებს და ექსპერტებს აქვს კითხვის ნიშნები და კითხვის ნიშნების არსებობასაც აქვს გარკვეული საფუძველი და ლეგიტიმაცია“, - უთხრა „ექსპრესნიუსს“ გიორგი კეპულაძემ.

შეგახსენებთ, რომ სტატისტიკის ეროვნული სამსახურის მონაცემებით, 2015 წლის მეორე კვარტალში პირდაპირი უცხოური ინვესტიციების (FDI) მოცულობა $355 მილიონი იყო, რაც 2014 წლის მეორე კვარტალთან შედარებით, 81%-ით მეტია.

გაზრდილია დასაქმებულთა რაოდენობაც. ეკონომიკის მინისტრის დიმიტრი ქუმსიშვილის მიერ გაკეთებული განცხადების მიხედვით, 2015 წლის მეორე კვარტალში დასაქმებულთა რაოდენობამ 12%-ით მოიმატა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა