2015-10-05 15:25:55, 332 ნახვა
პოლიტიკა
ჟენევაში დისკუსიების რაუნდზე ქართული მხარე განსაკუთრებულ ყურადღებას გალში ადამიანის უფლებების დაცვის საკითხს დაუთმობს
ჟენევაში დისკუსიების რაუნდზე ქართული მხარე განსაკუთრებულ ყურადღებას გალში ადამიანის უფლებების დაცვის საკითხს დაუთმობს, - ამის შესახებ საგარეო საქმეთა სამინისტროს პრესსპიკერმა დავით კერესელიძემ ჟენევის მოლაპარკებების 33-ე რაუნდთან დაკავშირებით განაცხადა. მისი თქმით, ქართული მხარე ყველა ღონეს იხმარს, რათა გალის რაიონში მცხოვრები მოსახლეობისათვის მშობლიურ ენაზე განათლების მისაღებად სათანადო ზომები იქნას მიღებული. „საქართველოს დელეგაცია განაგრძობს ჟენევის საერთაშორისო მოლაპარაკებებში კონსტრუქციულ მონაწილეობას და იმედს გამოთქვამს, რომ დანარჩენი მონაწილეებიც პასუხისმგებლობით მოეკიდებიან მოლაპარაკებებს. ამ თვალსაზრისით, დადებითი პრეცედენტები უკვე შეიქმნა წინა რაუნდებზე. ტრადიციულად, ქართული მხარე დააყენებს რუსეთის მიერ ძალის არგამოყენების შესახებ ვალდებულების აღების, ოკუპირებულ ტერიტორიებზე უსაფრთხოების საერთაშორისო მექანიზმების შექმნისა და იძულებით გადაადგილებულ პირთა უსაფრთხო და ღირსეული დაბრუნების აუცილებლობის საკითხს. მიმდინარე რაუნდზე საქართველოს დელეგაცია განსაკუთრებულ ყურადღებას დაუთმობს გალის რაიონში ადამიანის უფლებების დაცვის საკითხს. ქართული მხარე ყველა ღონეს იხმარს, რათა სათანადო ზომები იქნას მიღებული იქ მცხოვრები მოსახლეობისათვის მშობლიურ ენაზე განათლების მისაღებად“, - განაცხადა დავით კერესელიძემ. ჟენევის საერთაშორისო მოლაპარაკებების 33-ე რაუნდი 6-7 ოქტომბერს გაიმართება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|