სასჯელაღსრულებისა და პრობაციის მინისტრი კახა კახიშვილი ოფიციალური ვიზიტით, 6 ოქტომბერს მოლდოვის რესპუბლიკაში მიემგზავრება.

სასჯელაღსრულების სამინისტროს ინფორმაციით, კახიშვილი კიშინიოვში მოლდოვის იუსტიციის მინისტრმა ვლადიმირ ჩებოტარმა მიიწვია.

უწყების ცნობით, ვიზიტის ფარგლებში, იგი მოლდოვის იუსტიციის მინისტრს ვლადიმირ ჩებოტარს შეხვდება. საქართველოს სასჯელაღსრულებისა და პრობაციის მინისტრი პენიტენციური ინსტიტუტის დეპარტამენტში მოლდოვის პენიტენციური სისტემის შესახებ პრეზენტაციას დაესწრება. ღონისძიებაზე პენიტენციური სისტემის რეფორმების სტრატეგიასა და მიღწევებს განიხილავენ. გარდა ამისა, საუბარი შეეხება პენიტენციური რეფორმის კონცეფციას, მათ შორის საკანონმდებლო ასპექტებს, საუკეთესო პრაქტიკას, რეკომენდაციებსა და არსებულ გამოწვევებს.

კახა კახიშვილი  პრობაციის ცენტრალურ ოფისსაც ეწვევა, სადაც მოლდოვის პრობაციის სისტემას გაეცნობა. მხარეები ერთმანეთს ამ სფეროში არსებულ გამოცდილებას გაუზიარებენ და ინფორმაციას გაცვლიან.

საქართველოს სასჯელაღსრულებისა და პრობაციის მინისტრი მოლდოვაში ვიზიტის ფარგლებში, N15 პენიტენციურ დაწესებულებასაც დაათვალიერებს, რომელიც ქალაქ კრიკოვაში მდებარეობს.

კახა კახიშვილი საქართველოში 10 ოქტომბერს დაბრუნდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა