2015-01-30 13:56:26, 349 ნახვა
საზოგადოება
დანაშაულის პრევენციის ცენტრი თბილისის იუსტიციის სახლში სოციალურ საწარმოს გახსნის
საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ იწყებს პროექტს - „სოციალური საწარმო დანაშაულის პრევენციისთვის“. როგორც "ექსპრესნიუსს" "დანაშაულის პრევენციის ცენტრიდან" აცნობეს, პროექტი მიგრაციის საერთაშორისო ორგანიზაციის საქართველოს მისიის (IOM) მიერ გამოცხადებული საგრანტო კონკურსის ფარგლებშია დაფინანსებული. სსიპ „დანაშაულის პრევენციის ცენტრის“ დირექტორმა ჯონი კვინიკაძემ და მიგრაციის საერთაშორისო ორგანიზაციის საქართველოს მისიის ხელმძღვანელმა ილიანა დერილოვამ დღეს საგრანტო ხელშეკრულებას მოაწერეს ხელი. ხელმოწერის ცერემონიას საქართველოს იუსტიციის მინისტრის მოადგილე ალექსანდრე ტაბატაძე დაესწრო. მისი განცხადებით, პროექტი თბილისის იუსტიციის სახლის ტერიტორიაზე სსიპ „დანაშაულის პრევენციის ცენტრის“ მიერ სოციალური საწარმოს დაარსებას გულისხმობს, რომლის ფარგლებშიც ორი სახის ბიზნესი იწარმოებს. „საწარმო მიზნად ისახავს დანაშაულის პრევენციის ცენტრის ბენეფიციარების- ყოფილი მსჯავრდებულებისთვის დასაქმებისა და მუშაობის მეშვეობით სარეაბილიტაციო პროგრამის შეთავაზებას, რაც მათ საზოგადოებაში რესოციალიზაციას შეუწყობს ხელს. პროექტის ფარგლებში სულ დაგეგმილია ორი ობიექტის გახსნა, რაც ძალიან მნიშვნელოვანი იქნება ყოფილ პატიმართა რეაბილიტაციის პროცესში“, განაცხადა ალექსანდრე ტაბატაძემ, რომელმაც მიგრაციის საერთაშორისო მისიის ხელმძღვანელს თანამშრომლობისთვის და ამ პროგრამაში ჩართვისთვის მადლობა გადაუხადა. „პროექტის ფარგლებში, დანაშაულის პრევენციის ცენტრის ათობით ბენეფიციარი სერვისის მიმწოდებელ სხვადასხვა პოზიციაზე დასაქმდება. პროექტის „სოციალური საწარმო დანაშაულის პრევენციისთვის“ განხორციელების ვადაა ორი წელი და დასაქმდებიან ყოფილ პატიმართა რეაბილატაციისა და რესოციალიზაციის პროგრამაში ჩართული ყოფილი ნარკომომხმარებლები და პოტენციური მიგრანტები“,- აღნიშნა ჯონი კვინიკაძემ. პროექტი „მიგრაციის საკითხებში შვეიცარიის ფედერალური ოფისის“ მიერაა დაფინასებული. საგრანტო თანხა 87 500 შვეიცარულ ფრანკს შეადგენს. საგრანტო კონკურსი ჩატარდა მიგრაციის საერთაშორისო ორგანიზაციის საქართველოს მისიის (IOM) პროგრამის - „სოციალური საწარმოების განვითარება ქართველ მოქალაქეთა და პოტენციურ მიგრანტებს შორის ნარკომოხმარების პრობლემის შემცირებისა და მათი სოციო-ეკონომიკური ინტეგრაციის მიზნით“ ფარგლებში. სოციალური საწარმო დანაშაულის პრევენციის ცენტრის „ყოფილ მსჯავრდებულთა რებილიტაციისა და რესოციალიზაციის პროგრამის“ მხარდაჭერის მიზნით გაიხსნება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან როიტენი - თუ პარლამენტი რუსულ კანონს მიიღებს, EU იძულებული იქნება საქართველოს კანდიდატობა შეაჩეროს
რუსეთის გენერალურმა პროკურატურამ Freedom House არასასურველი ორგანიზაციების სიაში შეიყვანა
ფიცო - ევროკავშირს ზოგჯერ უყვარს სხვებისთვის ჭკუის დარიგება - მცირე ქვეყნების მიმართ დისკრიმინაციის გამო იმედგაცრუებული ვარ
ქუთაისის №2 პენიტენციურ დაწესებულებაში იუსტიციის სახლი და „ციფრული უნივერსიტეტი“ ამოქმედდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
უკრაინაში შენაერთი შავი არწივის მებრძოლი, სოსო გუგუტაშვილი დაიღუპა
მედია - რუსეთის მხრიდან უპილოტო საფრენი აპარატებით ხარკოვზე თავდასხმის შედეგად, დაშავდა 4 ადამიანი, მათ შორის, ერთი ბავშვი
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|