გიორგი გვიმრაძის დანიშვნას "მოამბის" ჟურნალისტების  ნაწილი აპროტესტებს. როგორც ჟურნალისტებისგან გახდა ცნობილი, გვიმრაძეს სატელევიზიო სივრცეში მუშაობის გამოცდილება არ აქვს და "ნაციონალური მოძრაობის" კადრია.

გვიმრაძის 5 დღიანი საქმიანობით "მოამბის" ჟურნალისტების დიდი ნაწილი უკმაყოფილოა. მათი განმარტებით, ორი დღის განმავლობაში პირველ ბლოკში გვიმრაძე მხოლოდ "ნაციონალური მოძრაობის" საქმიანობის წარმოჩენას ითხოვს.

ცნობილია, რომ ამჟამინდელი საზოგადოებრივი მაუწყებლის  საინფორმაციო სამსახურის ახალი უფროსი გიგა ბოკერიას დროს  უშიშროების საბჭოში ბოკერიას თანაშემწედ მუშაობდა. რაც შეეხება ჟურნალისტურ გამოცდილებას, გვიმრაძეს იგი არ აქვს.

როგორც საზოგადოებრივი მაუწყებელში აცხადებენ, გვიმრაძე უკვე ერთი წელია მუშაობს საზოგადოებრივი მაუწყებლის სტრატეგიულ დოკუმენტზე. გვიმრაძის თქმით, სწორედ სტრატეგია გულისხმობს ერთიანი საინფორმაციო სამსახურის შექმნას.

საინფორმაციო სამსახურის ახალი ხელმძღვანელის თქმით, პროექტზე მუშაობას ერთი წელი დასჭირდება, თუმცა ახალი პროექტის ელემენტები საინფორმაციოში უახლოეს მომავალში გაჩნდება.

"ექსპრესნიუსი" საზოგადოებრივი მაუწყებლის გენერალურ დირექტორთან გიორგი ბარათაშვილთან დაკავშირებას ამ დრომდე ცდილობს, თუმცა მას მობილური ტელეფონი გამორთული აქვს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან იოსელიანი ახალგაზრდებზე - იშვიათად მინახავს ასეთი გულრწფელობა აქციაზე, მათზე თავდასხმა აპრიორი მარცხისთვისაა განწირული

ბრაზილიაში წვიმების შედეგად, სულ მცირე, 39 ადამიანი დაიღუპა, 70-მდე კი დაკარგულად ითვლება

მედია - რუსეთის მხრიდან უპილოტო საფრენი აპარატებით ხარკოვზე თავდასხმის შედეგად, დაშავდა 4 ადამიანი, მათ შორის, ერთი ბავშვი

ფავლენიშვილი - როცა გომელაური არაფერს აკეთებს ივანიშვილის ზონდერ ჯგუფების დასასჯელად, ვაპირებთ, ჩვენს პარტნიორებთან დავაყენოთ მისი სანქცირების საკითხი