2015-10-06 19:12:09, 521 ნახვა
საზოგადოება
თავდაცვის მინისტრმა გარდაცვილი სამხედროს ოჯახს მიუსამძიმრა
თავდაცვის მინისტრმა თინათინ ხიდაშელმა გარდაცვლილი სამხედროს, პირველი კლასის რიგითის, თამაზ თამარაშვილის ოჯახს მიუსამძიმრა. თავდაცვის სამინისტროს ინფორმაციით, მინისტრთან ერთად დუშეთის რაიონის სოფელ გრემისხევში მისი მოადგილე ბესიკ ლოლაძე და გენერალური შტაბის უფროსის მოადგილე, პოლკოვნიკი რომან ჯოხაძე იმყოფებოდნენ. თინათინ ხიდაშელის განცხადებით, თავდაცვის სამინისტრო უპრეცედენტოდ გამჭვირვალედ მუშაობს და ჯარისკაცის გარდაცვალების საქმესთან დაკავშირებული ყველა დეტალი საზოგადოებას ეტაპობრივად მიეწოდება. „ჯარისკაცის გარდაცვალება ყოველთვის სამწუხაროა, განსაკუთრებით კი მშვიდობიანობის პერიოდში. პირველ რიგში, ვუსამძიმრებ მის ოჯახს, ახლობლებს. მაქსიმალურად უნდა დავუდგეთ გვერდში ამ ადამიანებს და რამდენადაც შევძლებთ, ტკივილი შევუმსუბუქოთ. მოგეხსენებათ, საქმეს თავდაცვის სამინისტროს სამხედრო პოლიცია იძიებს. მედიის წარმომადგენლებს მინდა ვთხოვო, რომ ეჭვებისა და სპეკულაციების გარეშე ისაუბრონ ამ თემაზე. არ შეიძლება ადამიანების ბედით და სიცოცხლით თამაში. ჩვენ პირველებმა გავავრცელეთ ინფორმაცია სამხედროს გარდაცვალების ფაქტის შესახებ. თავდაცვის სამინისტრო აბსოლუტურად უპრეცედენტო გამჭვირვალობის პირობებში მუშაობს და საზოგადოებას ვპირდებით, ყველა ინფორმაციას ეტაპობრივად მივაწვდით. შეუძლებელია, იქცეოდე ისე, როგორც იქცეოდნენ წლების განმავლობაში, განსაკუთრებით, ამ უწყების ხელმძღვანელები. ჩვენ არ ვაპირებთ, ჩავებათ ბრალდებებისა და წინასწარ გაცემული დასკვნების მარათონში. სამხედრო პოლიცია სრულად ჩართულია საქმეში, სამი სხვადასხვა ექსპერტიზაა დანიშნული და როგორც კი იქნება პირველი შედეგები, მაშინვე გამოქვეყნდება“,- აღნიშნა თავდაცვის მინისტრმა. V ქვეითი ბრიგადის ჰაერსაწინააღმდეგო ასეულის I კლასის რიგითი თამაზ თამარაშვილი ბრიგადის ტერიტორიაზე გარდაცვლილი იპოვეს. ჯარისკაცის გარდაცვალების ფაქტზე დაწყებულია გამოძიება. საქმეს თავდაცვის სამინისტროს სამხედრო პოლიცია იძიებს. თამაზ თამარაშვილს ხუთშაბათს, 8 ოქტომბერს დაკრძალავენ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|