2015-10-07 12:26:47, 865 ნახვა
საზოგადოება
საზოგადოებამ უნდა გაიგოს, რომ ჯანდაცვის პირველადი რგოლი უფასოა და კლინიკური სიმპტომების შემთხვევაში, მაშინვე მიაკითხონ ექიმს
კლინიკა „მედინას“ ქირურგი–ენდოსკოპისტი ომარ სურმანიძე ამბობს, რომ ჯანდაცვის საყოველთაო პროგრამის ფარგლებში მოსახლეობას აღარ ექმნება მატერიალური პრობლემები ოპერაციებისა თუ სხვა სახის მკურნალობისთვის და მიმართვიანობა ერთიორად არის გაზრდილი. იგი ასევე აღნიშნავს, რომ ჯანდაცვის პირველადი რგოლის დაგეგმილი რეფორმისგანაც დადებით შედეგს ელის, რამდენადაც ოჯახის ექიმის ინსტიტუტის წინ წამოწევა ჯანდაცვის სისტემას გააჯანსაღებს და პაციენტები, რომლებიც არ იყვნენ ექიმის ზედამხედველეობას და იშვიათად მიმართავდნენ ექიმს, იქნებიან კონტროლის ქვეშ და დაავადებების გართულების გაცილებით ნაკლები შანსი იქნება. ომარ სურმანიძემ იმ ფაქტორებზეც ისაუბრა, რომელთა გათვალისწინებაც სასიკეთოდ წაადგება ჯანდაცვის პირველადი რგოლის რეფორმას. ექიმის აზრით, საზოგადოების ცნობიერების ამაღლება, იმ კუთხით, რომ დროულად მიმართონ ექიმს, ძალიან მნიშვნელოვანია. „ჯანდაცვის პირველადი რგოლის რეფორმის წარმატებით განხორციელებისთვის, ერთ–ერთი მნიშვნელოვანი ფაქტორია, საზოგადოებას დროულად და სრულად მიეწოდოს ინფორმაცია, რათა ჩამოყალიბდეს კულტურა, რომ პრევენციის მიზნით მიაკითხონ ოჯახის ექიმებს. ინფორმირებულობა ძალიან მნიშვნელოვანია. საზოგადოებამ უნდა გაიგოს, რომ ჯანდაცვის პირველადი რგოლი არის უფასო და კლინიკური სიმპტომების შემთხვევაში, მაშინვე მიაკითხონ ექიმს“, – მიაჩნია სურმანიძეს.
სურმანიძემ ჯანდაცვის საყოველთაო პროგრამის თაობაზეც ისაუბრა და აღნიშნა, რომ თუკი რაიმე გაკეთებულა საქართველოს ჯანდაცვის სისტემაში, ეს პროგრამა თავისი მნისვნელობით, არის ყველაზე საუკეთესო. „შეიძლება ითქვას, გმირობის ტოლფასი საქმე გააკეთა ჯანდაცვის სამინისტრომ. ქვეყანაში, სადაც 200 000–ზე მეტი უმწეოა და სადაც სიღარიბის ზღვარს ქვემოთ არის მოსახლეობის 30%–ზე მეტი, თითქმის წარმოუდგენელი იყო მსგავსი რამის გაკეთება. ყველა მწვავე შემთხვევა არის უფასო, ასევე გეგმიური ოპერაციები ფინანსდება მინიმუმ 70%–ით. ჩემს გარშემო იყო ოჯახები, რომლებიც 20–30 წლის მანძილზე თიაქარის ოპერაციას ვერ იკეთებდნენ, ნაღვლის ბუშტის ტკივილებით იტანჯებოდნენ, პროგრამის შემდგომ კი 70%–იანი დაფინანსებით გაიკეთეს გეგმიური ოპერაციები. აქ ძალიან დიდია მინისტრის ფაქტორი. სერგეენკო თავად იყო ექიმი რეანიმატოლოგი და იცოდა ზუსტად რაც იყო გასაკეთებელი. მინისტრმა, რომელსაც უშუალო შეხება არ აქვს ხალხთან, არ იცის რა არის საზოგადოებისთვის საჭირო, ბატონი დავითი კი ყოველთვის უშუალო ეკონტაქტებოდა პაციენტებს და მინისტრად დანიშვნის შემდგომ, მან ზუსტად იცოდა რა იქნებოდა მათთვიოს საუკეთესო. ისიც უნდა ითქვას, რომ გარკვეულწილად მოწესრიგდა სახელფასო ფონდებიც. გააჩნია დატვირთვას და ექიმების მუშაობას. ჩვენი ხელფასი ძირითადად დამოკიდებულია შესრულებულ სამუშაოზე. თუ ექიმის გააკეთებს 10 ოპერაციას, იმის მიხედვით ექნება ხელფასი, თუ გააკეთებს 5–ს – იმის მიხედვით და ასე შემდეგ. ასე, რომ ეს რეფორმები ექიმებზეც დადებითად აისახა“, – მიაჩნია სურმანიძეს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან როიტენი - თუ პარლამენტი რუსულ კანონს მიიღებს, EU იძულებული იქნება საქართველოს კანდიდატობა შეაჩეროს
რუსეთის გენერალურმა პროკურატურამ Freedom House არასასურველი ორგანიზაციების სიაში შეიყვანა
ფიცო - ევროკავშირს ზოგჯერ უყვარს სხვებისთვის ჭკუის დარიგება - მცირე ქვეყნების მიმართ დისკრიმინაციის გამო იმედგაცრუებული ვარ
ქუთაისის №2 პენიტენციურ დაწესებულებაში იუსტიციის სახლი და „ციფრული უნივერსიტეტი“ ამოქმედდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
უკრაინაში შენაერთი შავი არწივის მებრძოლი, სოსო გუგუტაშვილი დაიღუპა
მედია - რუსეთის მხრიდან უპილოტო საფრენი აპარატებით ხარკოვზე თავდასხმის შედეგად, დაშავდა 4 ადამიანი, მათ შორის, ერთი ბავშვი
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|