სოფლის განვითარების სააგენტოს დირექტორმა, დავით წითლიძემ, მარნეულის მუნიციპალიტეტში, „ქალთა საპილოტე პროგრამის“ ფარგლებში შექმნილი სასათბურე მეურნეობები დაათვალიერა და ამავე სახელმწიფო პროგრამის ბენეფიციარ იმ ქალბატონებს შეხვდა, რომლებიც ვანის, ჩხოროწყუს და ჩოხატაურის მუნიციპალიტეტებიდან მარნეულში სასათბურე მეურნეობების საქმიანობის გაცნობის მიზნით ჩავიდნენ. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრას საქართველოს პარლამენტის ვიცე-სპიკერის სამდივნოს ხელმძღვანელი თინათინ ოდილავაძე, მარნეულის მუნიციპალიტეტის მერის მოადგილე ზურან ფანგანი და  გენდერული თანასწორობის მუდმივმოქმედი საპარლამენტო საბჭოსა და გაეროს ქალთა ორგანიზაციის წარმომადგენლები ესწრებოდნენ. 

„მარნეულსა და ლაგოდეხის მუნიციპალიტეტებში ქალთა საპილოტე პროგრამის პირველი ეტაპის წარმატებით განხორციელების შემდეგ, დამატებით, ჩოხატაურის, ვანისა და ჩხოროწყუს მუნიციპალიტეტებში მცხოვრები ქალებისათვისაც ხელმისაწვდომი გავხადეთ აღნიშნული პროგრამით სარგებლობა. მიზნობრივი მუნიციპალიტეტებში მცხოვრებ 100  ქალს შესაძლებლობა მიეცა, სასათბურე მეურნეობა მოეწყო“,- აღნიშნა სოფლის განვითარების სააგენტოს დირექტორმა.

გამოცდილების გაზიარების მიზნით ჩხოროწყუს, ვანისა და ჩოხატაურის მუნიციპალიტეტებიდან მარნეულის მუნიციპალიტეტში ბენეფიციარების ვიზიტი სოფლის განვითარების სააგენტოს ორგანიზებით განხორციელდა. 

აღსანიშნავია, რომ ფერმერთა შორის გამოცდილების გაზიარება და დარგობრივი ცოდნის მიწოდება  სოფლის განვითარების სააგენტოს ექსტენციის სამსახურების 2024 წლის სამოქმედო გეგმით გაწერილი ერთ-ერთი აქტივობაა და ყოველთვიურად ხორციელდება. 

„საპილოტე პროგრამა ქალებისათვის“ 2022 წელს, მარნეულსა და ლაგოდეხის მუნიციპალიტეტებში,  გაეროს ქალთა ორგანიზაციასა და სოფლის განვითარების სააგენტოს შორის გაფორმებული მემორანდუმის ფარგლებში განხორციელდა. 2023 წელს პროგრამა ჩოხატაურის, ვანისა და ჩხოროწყუს მუნიციპალიტეტებში სოფლის განვითარების სააგენტომ დააფინანსა. პროგრამის ფარგლებში, 2022-2023 წლებში გაცემული თანადაფინანსება 1,8 მლნ ლარს აღემატება.  

ავტორი: NS (სტატია დაფინანსებულია),

სოციალური ქსელები

ვაკის მღვდელი კეკელია - პარლამენტარებს ეკითხებიან, რა არის კანონში ცუდი? ევროპამ თქვა რომ ცუდია და მორჩა

მოძრაობა ქართული კინო საფრთხეშია -არ დავუშვებთ საბჭოთა ცენზურის ნორმალიზებას! ვიქნებით უკომპრომისოები

ირაკლი ღარიბაშვილი მცხეთის, დუშეთის, ყაზბეგისა და თიანეთის ადგილობრივი ორგანიზაციების შეხვდა

ლაიენი - უნგრეთს EU-ში გაწევრიანების შესახებ განაცხადი დღეს რომ წარედგინა, განვიხილავდით, აკმაყოფილებს თუ არა ის წევრობის პირობებს