ამერიკის შეერთებული შტატების პრესსპიკერმა, მეთიუ მილერმა 15 აპრილს  გამართულ ბრიფინგზე კიდევ ერთხელ გამოხატა შეშფოთება „უცხოური გავლენის გამჭვირვალობის შესახებ“ კანონპროექტთან დაკავშირებით და აღნიშნა, რომ კანონპროექტი ზიანს აყენებს როგორც სამოქალაქო საზოგადოების ორგანიზაციებს და მათ საქმიანობას, ისე დამოუკიდებელ მედიაორგანიზაციებს.

მილერის თქმით, კანონპროექტი საქართველოს ევროპული გზიდან გადაიყვანს.

„ჩვენ ღრმად ვართ შეშფოთებული, რომ ეს კანონპროექტი ზიანს აყენებს სამოქალაქო საზოგადოების ორგანიზაციებს, რომლებიც მუშაობენ საქართველოს მოქალაქეების კეთილდღეობისთვის და საქართველოს გადაიყვანს ევროპული გზიდან. ჩვენ ასევე შეშფოთებულები ვართ, რომ ეს კანონპროექტი ხელს შეუშლის დამოუკიდებელ მედიაორგანიზაციებს, რომლებიც მუშაობენ საქართველოს მოქალაქეებისთვის მაღალი ხარისხის ინფორმაციის მიწოდებაზე. მაგრამ იმის გამო, რომ ეს ჯერ კიდევ კანონპროექტად რჩება, ვაპირებ, რომ დღეს ეს საკითხი აქ დავტოვო და არ ვისაუბრო რამე შედეგზე, რაც მის კანონად გადაქცევას მოჰყვება", - აღნიშნა პრესსპიკერმა.

მეთიუ მილერმა ბრიფინგზე მოსამართლეებისთვის სანქციების დაწესებაზეც ისაუბრა.

„სამი სანქცია ამოქმედდა იმ მანკიერი ფიგურების ანგარიშვალდებულების გასაძლიერებლად, რომლებმაც ისარგებლეს დაუსჯელობით და იმუშავეს საიმისოდ, რომ ძირი გამოეთხარათ კანონის უზენაესობისთვის და საქართველოს საზოგადოების ნდობისთვის მათი სასამართლო სისტემის მიმართ. საქართველოს მთავრობას, რა თქმა უნდა, ჩვენ მოვუწოდებთ, იმგვარი ნაბიჯების გადადგმას, რომლებიც ხელს შეუწყობს კორუმპირებული ფიგურების ანგარიშვალდებულების საკითხს“, - განაცხადა მილერმა.

ავტორი: ექსპრესნიუსი,

სოციალური ქსელები

ხაზარაძე - ივანიშვილმა აღიარა, რომ მისი პარტიისთვის ევროკავშირი „გლობალური ომის პარტიაა“

ივანიშვილი - ამ პროცესებით ხელისუფლებას არაფერი დააკლდება გარდა იმისა, რომ გლობალურ ომის პარტიას გავანაწყენებთ, რომელსაც მეორე ფრონტის არგახსნის გამო, წყენა ისედაც არ აკლია

ივანიშვილი - გრძელდება დაჟინებული ზეწოლა ხელისუფლებაზე სასამართლოს ხელში ჩასაგდებად, რომელიც იქამდე გაგრძელდება, ვიდრე წარმატების იმედს ბოლომდე არ დაკარგავენ

ივანიშვილი - „ენჯეოების“ დაფინანსება, რომელსაც უცხოეთიდან ხშირად გვამადლიან, აგენტურის გამაგრებას ხმარდება