2016-02-11 14:51:40, 521 ნახვა
საზოგადოება
121-ე საბავშვო ბაღს სარემონტო-სარეკონსტრუქციო სამუშაოები ჩაუტარდა
ვაზისუბნის დასახლების I მკ/რნ-ში მდებარე 121-ე საბავშვო ბაგა-ბაღში მასშტაბური სარეკონსტრუქციო-სარემონტო სამუშაოები დასრულდა და 8 თებერვლიდან სწავლა ჩვეულ რეჟიმში განახლდა. განახლებული ბაგა-ბაღი დღეს თბილისის ბაგა-ბაღების მართვის სააგენტოს დირექტორმა თემურ თორდინავამ, ისნის რაიონის გამგებელმა ვახტანგ ქიზიყურაშვილმა და თბილისის საკრებულოს მაჟორიტარმა დეპუტატმა ირაკლი აბუსერიძემ დაათვალიერეს. როგორც „ექსპრესნიუსს“ თბილისის მერიიდან აცნობეს, სამუშაოები მოიცავდა წყალგაყვანილობა-საკანალიზაციო სისტემის მოწესრიგებას, ელექტრომომარაგების რეაბილიტაციას, შიდა სარემონტო სამუშაობს, სააღმზრდელო ოთახების შიდა სივრცეებისა და ასევე, სპორტულ-გასართობი დარბაზის მოწყობას. გარდა ამისა, 121-ე ბაღს, რომელშიც ამჟამად 470-მდე ბავშვი ირიცხება, კიდევ ერთი სააღმზრდელო ჯგუფი დაემატა. აუთვისებელი ფართის გარემონტებისა და აღჭურვის შედეგად განახლებულ შენობაში დამატებით 35 ბავშვმა დაიწყო სააღმზრდელო პროცესი. „ამ საბავშვო ბაგა-ბაღში ძალიან მძიმე მდგომარეობა იყო. გამოვაცხადეთ ტენდერი სარემონტო-სარეკონსტრუქციო სამუშაოებზე და დღეს უკვე ჩვენს პატარებს ასეთ ლამაზ გარემოში უწევთ ყოფნა. დარჩენილია გარე ფასადის მოწესრიგება და ზაფხულში ამ პრობლემასაც მოვაგვარებთ. აღსანიშნავია, რომ შარშან დედაქალაქის 125 საბავშვო ბაღი გავარემონტეთ“, - განაცხადა თბილისის საბავშვო ბაგა-ბაღების მართვის სააგენტოს დირექტორმა თემურ თორდინავამ. სარემონტო -სარეკონტრუქციო სამუშაოების ღირებულებამ 250 000 ლარი შეადგინა. ბაგა-ბაღების მართვის სააგენტოს 2016 წლის ბიუჯეტით სარემონტო სამუშაოები კიდევ ოცამდე ბაღში ჩატარდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან რუსთავის საკრებულოში „ოცნების“ ფრაქცია - მივმართეთ საკრებულოს თავმჯდომარეს, ჩანიშნოს სხდომა, რომელზეც ძირითად საკითხებად იქნება საკრებულოს თავმჯდომარის და მისი მოადგილეების გადაყენების საკითხი
დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა
„ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში, უსაფრთხო საცხოვრისი დამატებით 27-მა ეკომიგრანტმა ოჯახმა შეიძინა
როთი კობახიძეს - გთხოვთ, გაიწვიოთ კანონპროექტი!
|
ომი უკრაინაშირუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|