2016-02-11 20:00:38, 670 ნახვა
ეკონომიკა
ბაქო-თბილისი-ყარსის ახალი სარკინიგზო ხაზის საკოორდინაციო საბჭოს სხდომა გაიმართება
12 თებერვალს, 10:45 საათზე, სასტუმრო „თბილისი-მარიოტში" ბაქო-თბილისი-ყარსის ახალი სარკინიგზო ხაზის სამმხრივი საკოორდინაციო საბჭოს მე-7 სხდომა გაიმართება.
სხდომაში მონაწილეობას მიიღებენ საქართველოს ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, აზერბაიჯანის რესპუბლიკის ტრანსპორტის მინისტრი ზია მამედოვი და თურქეთის ტრანსპორტის, საზღვაო საქმეთა და კომუნიკაციების მინისტრი ბინალი ილდირიმი.
დაგეგმილია პრეზენტაციები ბაქო-თბილისი-ყარსის რკინიგზის პროექტის განხორციელების მიმდინარეობის შესახებ.
სხდომის დასრულების შემდეგ დელეგაციათა ხელმძღვანელები ხელს სამმხრივი საკოორდინაციო საბჭოს ოქმს მოაწერენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან