2016-02-12 14:05:32, 487 ნახვა
პოლიტიკა
"ენგურჰესის" წყალსაცავში წყლის დონის კლებამ შესაძლოა აფხაზეთი ელექტროენერგიის გარეშე დატოვოს
"ენგურჰესის" წყალსაცავში წყლის დონის კლების გამო, აფხაზეთს ელექტროენერგიის გარეშე დარჩენა ემუქრება, - ამის შესახებ ინფორმაციას "სპუტნიკ-აბხაზიი" ავრცელებს. როგორც ადგილობრივი მედია იუწყება, ჰიდროელექტროსადგურზე 25 იანვრიდან 15 აპრილამდე დროებითი გათიშვის სისტემა ამუშავდა. ამ ზომის მიღება აუცილებელი გახდა, ვინაიდან წყლის დონე რეზერვუარში კრიტიკულ ნიშნულამდე შემცირდა. როგორც "ენგურჰესის" გენერალურმა დირექტორმა, ლევან მებონიამ განაცხადა, თუ აფხაზეთი ელექტროენერგიის მოხმარებას არ დაზოგავს და მოსახლეობა ელექტრომოხმარების საფასურს არ გადაიხდის, აფხაზეთი 2 წელიწადში შესაძლოა, დენის გარეშე დარჩეს. ამასთანავე ჰიდროელექტროსადგურის ტექნიკური დირექტორის, გია ხუბუას თქმით, წყალუხვობის გარეშე, წყლის დონე 420 მეტრამდე შემცირდება, რის შემდეგაც, ინსტრუქციის მიხედვით, ტურბინის მუშაობა უნდა შეჩერდეს, რაც ჰესის მუშაობის შეწყვეტას ნიშნავს. როგორც ხუბუამ განაცხადა, ოპტიმისტური პროგნოზებით, წყალუხვობა მარტის დასაწყისში დაიწყება, თუმცა მისივე თქმით უკიდურესი მეტეოროლოგიური პირობების შემთხვევაში, ეს შესაძლოა აპრილის შუა რიცხევბში მოხდეს. სპეციალისტის თქმით, ბოლო ერთი წლის განმავლობაში, აფხაზეთში ელექტროენერგიის მოხმარება საგრძნობლად გაიზარდა, რის გამოც დროებითი გათიშვის სისტემის ჩართვა შედეგს არ გამოიღებს. შეგახსენებთ, რომ "ენგურჰესი" ექსპლუატაციაში 1978 წელს შევიდა. ჰიდროაგრეგატები აფხაზეთის ოკუპირებულ ტერიტორიაზეა განლაგებული, თუმცა კაშხალი და წყალსაცავი საქართველოს მიერ კონტროლირებად ტერიტორიაზეა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ღარიბაშვილი - გამჭირვალობას ვინც ეწინააღმდეგება, არაფერი აქვს საერთო დემოკრატიასთან
უკრაინაში სამხედრო დახმარებისთვის, სლოვაკეთის მოქალაქეებმა ორ მილიონ ევროზე მეტი შეაგროვეს
EBA - კანონპროექტი შეიცავს უცხოელი ინვესტორების მიმართ ნეგატიური სტერეოტიპების გამყარების და ინვესტიციების შემცირების რისკს
ირანის საგარეო საქმეთა მინისტრი - თავდასხმის შემთხვევაში, ირანი ისრაელს დაუყოვნებლივ უპასუხებს
|
ომი უკრაინაშიუკრაინის საჰაერო ძალები - 7 რუსული რაკეტიდან 2 ღამით გავანადგურეთ
ზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|