2016-02-12 14:18:12, 667 ნახვა
ეკონომიკა
ბაქო-თბილისი-ყარსის რკინიგზის საქართველო-აზერბაიჯანის მონაკვეთის პროექტის ღირებულება შესაძლოა გაიზარდოს
აზერბაიჯანის რესპუბლიკის ტრანსპორტის მინისტრის, ზია მამედოვის განცხადებით, ბაქო-თბილისი-ყარსის პროექტის საქართველო-აზერბაიჯანის მონაკვეთის პროექტის ღირებულება შესაძლოა გაიზარდოს. როგორც მამედოვმა სასტუმრო "თბილისის მარიოტში" საქართველოს ეკონომიკის მინისტრთან და თურქეთის ტრანსპორტის, საზღვაო საქმეთა და კომუნიკაციების მინისტრთან ერთად გამართულ პრესკონფერნეციაზე განაცხადა, აზერბაჯანსა და საქართველოს ტერიტორიაზე შესრულებული სამუშაოს საპროექტო ღირებულება ამ დროისთვის სულ 775 მლნ ამერიკული დოლარია. "საერთოდ, ნებისმიერ პროექტში ფასები ზოგჯერ თამაშობს, რადგან თავდაპირველად შემუშავებულია ხოლმე პროექტი, ხოლო შემდეგ გარკვეული ანალიზის შედეგად, ოფიციალური ფასი დგინდება. პროექტისთვის პირველი ტრანშის დროს გამოიყო 200 მილიონი დოლარი, ხოლო მეორე ტრანშის დროს მას 575 მილიონი დოლარი დაემატა. შესაბამისად, მისი საერთო ღირებულება 775 მილიონი დოლარია. წლევანდელი წლის ბიუჯეტი არის 150-170 მილიონის ფარგლებში. ბიუჯეტი შეიძლება, გაიზარდოს", - განაცხადა ზია მამედოვმა. მანვე ბაქო-თბილისი-ყარსის პროექტის მნიშვნელობაზეც ისაუბრა: "ეს პროექტი უმნიშვნელოვანესია. ის რეგიონისთვის უდიდესი სარგებლის მომტანია, ეს ქმნის ახალ ხიდებს ევროპასა და აზიას შორის, ცივილიზაციათა შორის დიალოგებს ავითარებს",-აღნიშნა მამედოვმა. ზია მამედოვმა ის მიზეზებიც განმარტა, რის გამოც პროექტის დასრულება დაგვიანდა: "ამ პროექტში დიდი ადამიანური რესურსი და ენერგიაა ჩადებული. სამივე ქვეყანაში, სადაც პროექტი ხორციელდება, ტერიტორია ძალიან რთული რელიეფისაა, მიწის ფენები სხვადასხვა სირთულისაა, რაც ართულეს მშენებლობას. სწორედ ამიტომ, პროექტის განხორციელებაში დაბრკოლება შეიქმნა. ეს დაგვიანება ობიექტურია. ზოგიერთ შემთხვევაში, ადამიანები გმირობის მაგალითებს გვიჩვენებდნენ. პირადადც ჩავსულვართ, გვირაბები ფეხით გაგვივლია. ასევე საქართველოშიც პრემიერთან ერთად ნანახი გვაქვს სამუშაოები. ძალიან საამაყოა, რომ ჩვენ უშუალოდ ვართ ჩაბმული ამ პროექტის განხორციელებაში. მძიმე სამუშაოები უკვე უკან მოვიტოვეთ. სამუშაოები თბილისსა და საქართველოში დასკვნით ეტაპზეა. ეს პროექტი 2017 წლის პირველივე თვიდან დაიწყებს ექსპლოატაციას და უზრუნველყოფილი იქნება მატარებელთა მიმოსვლა. ევროპასა და აზიას შორის ახალი ფანჯარა იღება, ადამიანები, რომლებიც ამ ფანჯარიდან გაიხედავენ, ორივე კონტიგენტის ძალიან ლამაზ შერწყმას იხილავენ", - განაცხადა ზია მამედოვმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ვიდეო/LIVE საქართველოს დამოუკიდებლობის დღე - პირდაპირი
|