2016-02-12 17:10:21, 551 ნახვა
საზოგადოება
საბურთალოს გამგებელმა საგზაო სამუშაოები დაათვალიერა
საბურთალოს რაიონის გამგებელმა ბექა მიქაუტაძემ რაიონში მიმდინარე საგზაო სამუშაოები დაათვალიერა. თბილისის მერიის ინფორმაციით, საგზაო ინფრასტრუქტურის კეთილმოწყობა ვაჟა-ფშაველას N3-ში მდებარე კორპუსის ეზოში დღეს დაიწყო. ობიექტზე უკვე მოიხსნა ძველი საფარი და ახლა იქ გრუნტის მოსწორების სამუშაოები მიმდინარეობს. ამ მისამართზე ასფალტობეტონის საფარის მოწყობა 625მ2 ფართობზეა გათვალისწინებული. ბექა მიქაუტაძე შემსრულებელი კომპანიის წარმომადგენლებს გაესაუბრა და სამუშაოების გრაფიკით გათვალისწინებულ ვადებში დასრულება დაავალა. მისი თქმით, მნიშვნელოვანია, რომ თითოეულ ობიექტზე სამუშაო ოპერატიულად დასრულდეს, რათა ადგილობრივ მოსახლეობას თუ სატრანსპორტო საშუალებებით მოსარგებლეებს დისკომფორტი არ შეექმნათ, თუმცა ეს არ უნდა მოხდეს ხარისხის ხარჯზე. „საგზაო ინფრასტრუქტურის კეთილმოწყობაზე საპროექტო სამუშაოები ჩვენ გასული წლის ბოლოს დავიწყეთ, რათა უკვე 2016 წლის პირველივე თვეებიდან სამშენებლო სამუშაოები დაწყებულიყო. კომპანია „ჯეოსერვისს“ ტენდერით ექვსი ობიექტზე შედის და დღეს ჩვენ ამ ობიექტებიდან ერთ-ერთი მოვინახულეთ. ჩვენთვის მნიშვნელოვანია, რომ სამუშაოები გეგმა-გრაფიკის მიხედვით და ხარისხიანად განხორციელდეს. საბურთალოს რაიონში წელს კიდევ ბევრი ინფრასტრუქტურული სამუშაო განხორციელდება, განსაკუთრებულ ყურადღებას ვამახვილებთ სანიაღვრე სისტემების მოწესრიგებაზე. ეს ძალიან მნიშვნელოვანია გზების მდგომარეობის შესანარჩუნებლად“, - განაცხადა ბექა მიქაუტაძემ. ვაჟა-ფშაველას N3-ში, მგალობლიშვილის ქ. N16-24-თან, ჭილაძის ქუჩაზე, დელისის მე-2 ქუჩაზე, ანტონოვსკაიას ქუჩასა და ვაჟა-ფშაველას I ჩიხში საგზაო სამუშაოებს კომპანია „ჯეოსერვისი“ განახორციელებს. ხელშეკრულებით ექვსი ობიექტის კეთილმოწყობის სავარაუდო ღირებულება 700 000 ლარს აჭარბებს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ოთარ შამუგიამ აბაშის მუნიციპალიტეტის სოფელ სეფიეთში, მოცვის დარგვის პროცესში მიიღო მონაწილეობა
ლიეტუვის საელჩო - კანონპროექტი EU-ის რეკომენდაციებს ეწინააღმდეგება და მის ღირებულებებთან შეუთავსებელია
ჯეიკ სალივანი აშშ-ის მიერ უკრაინისთვის ATACMS-ის რაკეტების გადაცემას ადასტურებს
Reuters - აშშ-მა უკრაინას ATACMS-ის რაკეტები ფარულად გაუგზვნა
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|