2016-02-13 11:39:38, 516 ნახვა
საზოგადოება
დავით ნარმანია ევროსაბჭოს ადგილობრივი და რეგიონული ხელისუფლებების კონგრესის მონიტორინგის კომიტეტის შეხვედრას დაესწრო
თბილისის მერი დავით ნარმანია პარიზში, ევროპის საბჭოს ადგილობრივი და რეგიონული ხელისუფლებების კონგრესის მონიტორინგის კომიტეტის შეხვედრას დაესწრო. მერიის ინფორმაციით, კონგრესის სხდომაზე საქართველოში არსებულ ვითარებაზე იმსჯელეს. მათივე ცნობით, ამ ეტაპზე საქართველო პოსტ-მონიტორინგის ფაზაში იმყოფება, რაც მონიტორინგის დასკვნების მიხედვით გაკეთებული რეკომენდაციების შესრულებაზე დაკვირვებას და თანამშრომლობას გულისხმობს. შეხვედრაზე აღნიშნა, რომ ქართული მხარე თანამშრომლობისთვის ყველა დონეზე მზადაა. კონგრესის პრეზიდენტმა ჟან-კლოდ ფრეკონმა 2015 წლის დეკემბერში საქართველოში ვიზიტი შეაჯამა და მას საქართველოსა და კონგრესს შორის დიალოგში წინგადადგმული ნაბიჯი უწოდა. საუბარი, ასევე, შეეხო გზამკვლევს, რომელსაც ხელი რეგიონული განვითარებისა და ინფრასტრუქტურის მინისტრთან ერთად მოაწერა. ჟან-კლოდ ფრეკონის თქმით, საქართველოში ვიზიტად ყოფნის დროს, ყოფილი მერის, გიგი უგულავას საქმის შესახებ მთავარ პროკურორსაც შეხვდა, სადაც ყველა კითხვაზე დეტალური ინფორმაცია მიიღო. კომიტეტის სხდომაზე კონგრესის პრეზიდენტმა განაცხადა, რომ აღნიშნულ საქმეზე პროცესები კანონის სრული დაცვით მიმდინარეობს. კონგრესის სხდომაზე თბილისის მერმა დავით ნარმანიამ აღნიშნა, რომ ადგილობრივი დემოკრატიის შემდგომი განვითარებისთვის მნიშვნელოვანი ნაბიჯებია გადასადგმელი. კერძოდ, მნიშვნელოვანია ადგილობრივი თვითმმართველობის შესახებ ევროქარტიის 6.4 და 9.6 მუხლების რატიფიცირება და ფისკალური გათანაბრების გაუმჯობესება მეტი ფინანსური დამოუკიდებლობისათვის. მისივე თქმით, ადგილობრივი ხელისუფლებების ეროვნულ ასოციაციასთან თანამშრომლობა უფრო აქტიური გახდება, რადგან მისი როლი უმნიშვნელოვანესია ადგილობრივი დემოკრატიის განვითარებაში. რაც შეეხება თბილისის ყოფილი მერის საქმეს, დავით ნარმანიას განცხადებით, მიმდინარე პროცესებმა აჩვენა, რომ საკონსტიტუციო და საქალაქო სასამართლოები თავისუფალია აღმასრულებელი და საკანონმდებლო ხელისუფლების წნეხისგან. მისივე თქმით, სასამართლოსა და კანონის წინაშე თანასწორობას საქართველოში დიდი მნიშვნელობა ენიჭება და ეს ყველაფერი 2012 წლიდან განხორციელებული რეფორმების მთავარ შედეგს წარმოადგენს. ევროპის საბჭოს ადგილობრივი და რეგიონული ხელისუფლებების კონგრესის მონიტორინგის კომიტეტი, ევროპის საბჭოს წევრ ქვეყნებში ადგილობრივი თვითმმართველობის ევროპული ქარტიით აღებული ვალდებულებების დაცვას და ადგილობრივი დემოკრატიის განვითარებას აკვირდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ვიდეო/LIVE საქართველოს დამოუკიდებლობის დღე - პირდაპირი
|