საქართველოს შეიარაღებული ძალების ეროვნული გვარდიის სამხედრო საჩვენებელმა ორკერსტრმა ჯაზის საერთაშორისო დღისადმი მიძღვნილ კონცერტში მიიღო მონაწილეობა.

თავდაცვის სამინისტროს ინფორმაციით, სამხედრო-საჩვენებელმა ორკესტრმა კონცერტი გახსნა და პოპულარული ჯაზჰიტები: IN THE MOOD (JOE GARLAND); BLUE RONDO A LA TURKE (DAVE BRUBECK), CANTALOUPE ISLAND (HERBIE HANCOCK) შეასრულა.

ორკესტრის ხელმძღვანელმა, კაპიტანმა კობა მერმანიშვილმა მსგავსი კონცერტების როლზე და მსოფლიოს სხვადასხვა ქვეყანაში სამხედრო ორკესტრების მონაწილეობის მნიშვნელობაზე ისაუბრა.

ჯაზის საერთაშორისო დღესთან დაკავშირებით, თბილისის საკონცერტო დარბაზში კონცერტი ჯგუფმა VOLCAN-მა გამართა. ღონისძიება საქართველოში აშშ-ს საელჩოს, საქართველოს კულტურისა და ძეგლთა დაცვის სამინისტროს, ქალაქ თბილისის მერიის კულტურული ღონისძიებების ცენტრის, „თიბისი ბანკის“ პერსონალური საბანკო მომსახურება „თიბისი სტატუსის“ მხარდაჭერით, სპეციალურად ჯაზის საერთაშორისო დღის აღსანიშნავად ჩატარდა.

30 აპრილი ჯაზის საერთაშორისო დღეა. ეს დღე 2011 წლის ნოემბერში იუნესკოს გენერალური დირექტორის ირინა ბოკოვასა და იუნესკოს კეთილი ნების ელჩის, მუსიკოს ჰერბი ჰენკოკის ინიციატივით დაწესდა. ჯაზის დღეს მსოფლიოს რამდენიმე ათეული ქვეყანა აღნიშნავს, მათ შორის არის საქართველოც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა