შსს-ს ცენტრალური კრიმინალური პოლიციის დეპარტამენტისა და სასაზღვრო პოლიციის თანამშრომლებმა ნარკოტიკული დანაშაულის წინააღმდეგ ბრძოლის საკითხებზე გამართულ რეგიონალურ სწავლებაში მიიღეს მონაწილეობა.

უწყების ინფორმაციით, ღონისძიება სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროსა (INL) და ნარკოტიკების წინააღმდეგ ბრძოლის ადმინისტრაციის (DEA) ორგანიზებით, სასტუმრო „ქორთიარდ მარიოტში“  ჩატარდა.

სწავლების მიზანი იყო ნარკოტიკული დანაშაულის წინააღმდეგ ბრძოლის გაძლიერება, ამ მიმართულებით თანამედროვე მეთოდების გაანალიზება და განხილვა, სხვადასხვა ქვეყნის შესაბამისი უწყების წარმომადგენლებს შორის გამოცდილების გაზიარება.

ნარკოტიკების  წინააღმდეგ  ბრძოლის ადმინისტრაციის (DEA)  სასწავლო აკადემიის ინსტრუქტორებმა ოპერატიულ-სამძებრო საქმიანობის მეთოდების, საერთაშორისო დანაშაულის გამოძიებისა და სისხლისსამართლებრივი დევნის შემთხვევების, ორგანიზაციული საკითხების, ოპერატიული ღონისძიების დაგეგმვის და საერთაშორისო სამართლის პრინციპების მიმოხილვის შესახებ პრეზენტაციები წარმოადგინეს.

ტრენინგში, ქართველ სამართალდამცველებთან ერთად, პარტნიორი ქვეყნების – ლიტვის, ლატვიის, ესტონეთის, სომხეთის, აზერბაიჯანის, მოლდოვის, უკრაინის, ბულგარეთისა და რუმინეთის შესაბამისი სახელმწიფო უწყებების წარმომადგენლები მონაწილეობდნენ.

სწავლების დასრულების შემდეგ, ყველა მონაწილეს შესაბამისი სერთიფიკატი გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვა - აქციაზე დაშავებული 8 სამოქალაქო პირის ჰოსპიტალიზაცია განხორციელდა - ადგილზე მობილიზებულია 20 ბრიგადა

მამუკა მდინარაძე ლევან ხაბეიშვილზე - რაც არ უნდა მიუღებელი იყოს პოლიტიკოსი, მისი დაზიანებული სახის ყურება არის ძალიან უსიამოვნო, მაგრამ ისიც უნდა ვთქვათ, რომ მას არ დაესხნენ თავს, ის თვითონ იყო თავდასხმის ინიციატორი

მამუკა მდინარაძე - რასაც ვხედავთ, არის ვანდალიზმი, შეტევაზე გადასვლა და სუფთა პროვოკაცია

თბილისის ორივე სანაპირო გადაკეეტილია