გაერო-ს უშიშროების საბჭო სირიის ქალაქ ალეპოში ვითარების ესკალაციის გამო დღეს საგანგებო სხდომას გამართავს.

აღსანიშნავია, რომ შეხვედრის გამართვის ინიციატორები საფრანგეთი და დიდი ბრიტანეთი იყვნენ.

“ალეპო ცეცხლშია. მნიშვნელოვანია, რომ ამ უკიდურესად პრიორიტეტულ თემაზე გავამახვილოთ ყურადღება”, - განაცხადა გაერო-ში დიდი ბრიტანეთის მუდმივმა წარმომადგენელმა მეტიუ რაიკროფტმა.

გაერო-ს უშიშროების საბჭოს წევრებს ალეპოში შექმნილი ვითარების შესახებ ანგარიშს წარუდგენენ.

France Press-ის ინფორმაციით, 3 მაისს მთავრობის მიერ კონტროლირებადი ტერიტორიის მისამართით ცეცხლის გახსნის შედეგად 20 ადამიანი დაიღუპა.

შეგახსენებთ, ცეცხლის შეწყვეტის რეჟიმი სირიაში 27 თებერვალს გამოცხადდა, თუმცა გასულ კვირას ალეპოში ვითარება გამწვავდა. 22 აპრილიდან ალეპოში 270-ზე მეტი ადამიანი დაიღუპა.

3 მაისს სერგეი ლავროვმა გაერო-ს სპეციალურ წარმომადგენელთან სტეფან დე მისტურასთან შეხვედრისას იმედი გამოთქვა, რომ ალეპოში საბრძოლო მოქმედებების შეწვეტა უახლოეს საათებში მოხერხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა