2016-05-05 10:50:47, 981 ნახვა
მსოფლიო
ალეპოში სამშვიდობო შეთანხმება მიღწეულია
აშშ-ის სახელმწიფო დეპარტამენტის განცხადებით, ვაშინგტონმა და მოსკოვმა ალეპოში ცეცხლის შეწყვეტაზე შეთანხმდნენ, - ამის შესახებ Reuters იუწყება. მედიის იფნორმაციით, სახელმწიფო დეპარტამენტის განცხადებით, რუსეთი თანახმაა, ბაშარ ასადის ჯარს ალეპოზე საჰაერო დარტყმები შეაწყვეტინოს. სირიის სამთავრობო ჯარი ადასტურებს, რომ ალეპოში სამშვიდობო შეთანხმება მიღწეულია და ცეცხლის შეწყვეტის რეჟიმი 5 მაისს, სირიის დროით ღამის 01:00 საათზე ამოქმედდა. რუსეთის თავდაცვის სამინისტროს ოფიციალური წარმომადგენლის იგორ კონაშენკოვის განცხადებით, ალეპოში ცეცხლის შეწყვეტის რეჟიმი 48 საათით გახანგრძლივდა და 7 მაისამდე იმოქმედებს. შეგახსენებთ, რომ სირიაში ცეცხლის შეწყვეტის შეთანხმება 27 თებერვლიდან ამოქმედდა. ცეცხლის შეწყვეტის რეჟიმი ტერორისტულ ორგანიზაციებზე არ ვრცელდება. ამასთან შეთანხმება სირიის ყველა რეგიონში არ მოქმედებდა. კერძოდ, რუსეთმა უარი განაცხადა ცეცხლის შეწყვეტის რეჟიმის ალეპოს ტერიტორიაზე გავრცელებაზე. ცნობისთვის, სირიის ადამიანის უფლებათა მონიტორინგის ცენტრის განცხადებით, მხოლოდ ბოლო დღეების განმავლობაში ალეპოსთვის ბრძოლაში ათობით ადამიანი დაიღუპა. უფლებადამცვლების მონაცემებით, ბოლო ორი კვირის განმავლობაში სირიის სიდიდით მეორე ქალაქში სულ მცირე 300 ადამიანი დაიღუპა. გავრცელებული ინფორმაციით, ამბოხებულებმა ალეპოს დასავლეთ ნაწილის დაკავება სცადეს, თუმცა სამთავრობო ძალებმა ლიბანური დაჯგუფება “ჰეზბოლას” მებრძოლების დახმარებით მათ უკან დახევა აიძულეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა
ზელენსკი - მადლობელი ვარ პრეზიდენტ ბაიდენის, კონგრესისა და ყველა ამერიკელის
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|