2016-05-06 13:47:51, 497 ნახვა
საზოგადოება
სოფლის მეურნეობის მინისტრის მოადგილე ლევან დავითაშვილი FAO-ს რეგიონულ კონფერენციას ესწრება
სოფლის მეურნეობის მინისტრის მოადგილე ლევან დავითაშვილი გაეროს სურსათის და სოფლის მეურნეობის ორგანიზაციის (FAO) ევროპის რეგიონული კონფერენციის 30-ე სესიას ესწრება. როგორც “ექსპრესნიუსს“ სოფლის მეურნეობის სამინისტროდან აცნობეს, ღონისძიება 4-6 მაისს თურქეთში, ქალაქ ანტალიაში თურქეთის რესპუბლიკის სურსათის, სოფლის მეურნეობის და მეცხოველეობის მინისტრის პატრონაჟით იმართება. სესიაში მონაწილეობს ევროპის და ცენტრალური აზრიის რეგიონის FAO-ს წევრი ყველა ქვეყნის და დამკვირვებლის სტატუსით მონაწილე ქვეყნების დელეგაციები, გაეროს სპეციალიზებული სააგენტოები. უწყების ინფორმაციით, სესიის ფარგლებში, მრგვალი მაგიდის ფორმატში გაიმართა შეხვედრა, სადაც სოფლის მეურნეობისა და სოფლად განვითარების მხარდასაჭერად, ათასწლეულის გამოწვევის მიზნების შესრულებისთვის FAO-ს წევრი სახელმწიფოების მთვარობების მიერ დაგეგმილი და განხორციელებული ღონისძიებები განიხელეს. ,,კონფერენციის ძირითად მიზანს, არსებული გამოწვევების გათვალისწინებით, მცირე ფერმერთა მხარდაჭერის, სოფლის მეურნეობის მდგრადი განვითარების, ბიომრაფალფეროვნების და გენეტიკური რესურსების შენარჩუნების მიზნით, 2016-2017 წლების თანამშრომლობის ძირითადი მიმართულებების განსაზღვრა წარმოადგენდა. შეხვედრაზე ხაზგასმით აღინიშნა, რომ მოსახლეობის კეთილდღეობის უზრუნველყოფისთვის, უმნიშვნელოვანესია მსოფლიოში სურსათზე ხელმისაწვდომობის უზრუნველყოფა, სოფლის მეურნეობის პროდუქციის წარმოების ზრდა, ინოვაციური ტექნოლოგიების დანერგვა და საერთაშორისო თანამშრომლობის გაღრმავება“, - აღნიშნა ლევან დავითაშვილმა. კონფერნეციის ფარგლებში, საქართველოს სოფლის მეურნეობის მინისტრის მოადგილემ, ლევან დავითშვილმა შეხვედრა გამართა გაეროს სურსათის და სოფლის მეურნეობის ორგანიზაციის გენერალურ დირექტორთან, გრაციანო და სილვასთან. შეხვედრაზე ლევან დავითაშვილმა FAO-ს გენერალურ დირექტორს ის ძირითადი პროექტები გააცნო, რომელთა განხორციელება უახლოეს მომავალში იგეგმება. მინისტრის მოადგილემ მადლობა გადაუხადა FAO-ს საქართველოს ოფისს სამინისტროს საქმიანობაში აქტიური ჩართულობისთვის და მხარდაჭერისთვის. ,,სოფლის მეურნეობის განვითრების სტრატეგიის და სამოქმედო გეგმის ეფექტიანად განხორციელებისთვის, მნიშვნელოვანია FAO-ს ტექნიკური დახმარება. სოფლის მეურნეობის სამინისტრომ ,,ევროპის სამეზობლო პროგრამა სოფლის მეურნეობის და სოფლის განვითართებისთვის“ (ENPARD) პროგრამის მეორე ფაზის შესაბამისად, სოფლად განვითარების სტრატეგიაზე მუშაობა დაიწყო, სადაც FAO-ს ექსპერტთა ჩართულობა ასევე მნიშვნელოვანი იქნება. გარდა ამისა, ასოცირების შესახებ შეთანხმებით ნაკისრი ვალდებულებების შესრულების მიზნით, აქტიური მუშაობა მიმდინარეობს ევროკავშირთან საკანონმდებლო დაახლოების პროგრამაზე. სურსათის უვნებლობის, ცხოველთა ჯანდაცვის, მათ შორის, ცხოველთა იდენტიფიკაციის და მიკვლევადობის სისტემის დანერგვის უზრუნველყოფა ხელს შეუწყობს დაგეგმილი რეფორმების სწრაფ და ეფექტიან განხორციელებას“, - აღნიშნა ლევან დავითაშვილმა. შეხვედრაზე FAO-ს გენერალური დირექტორი გრაციანო და სილვა სასოფლო-სამეურნეო კოოპერატივების, მცირე და საშუალო ფერმერების მხარდამჭერი პროქტების და სოფლად განვითარების მიმართულებით საქართველოში მიმდინარე ღონისძიებებით დაინტერესდა და აღნიშნა, რომ FAO მიესალმება საქართველოს სოფლის მეურნეობის დარგში მიღწეულ პროგრესს. ,,ბერლინში, გამოფენის ,,მწვანე კვირეულის“ ფარგლებში, საქართველოს სოფლის მეურნეობის მინისტრთან შეხვედრაზე ვისაუბრეთ იმ ძირითად გამოწვევებზე, რაც საქართველოს სოფლის მეურნეობის სამინისტროს წინაშე იდგა. მისასალმებელია, რომ დღეს სახეზეა მნიშვნელოვანი პროგრესი. თქვენ გაქვთ სწორი ხედვა, რომელიც სრულ შესაბამისობაშია FAO-ს პრიორიტეტებთან და მიზნებთან. ჩვენ გავაგრძელებთ თანამშრომლობას და გვჯერა, რომ ათასწლეულის გამოწვევის მიზნები მიღწეული იქნება. შევძლებთ სიღარიბის დაძლევას, უსაფრთხო და უვნებელი სურსათის მიწოდების უზრუნველყოფას და სოფლის მეურნეობის მდგრად განვითარებას”, - აღნიშნა გრაციანო და სილვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
„თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
ციფრული ინდუსტრიის აკადემიაში „საქართველოს ბანკის“ Ads Manager-ს შეასწავლიან
კობახიძე - ევროპარლამენტარებმა ვერ მოიშალეს ზრუნვა სააკაშვილზე - ეს არის ინდიკატორი, ამ ადამიანებს სინამდვილეში რა ამოძრავებთ
|
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|