2016-05-24 23:04:20, 511 ნახვა
პოლიტიკა
არჩილ ხაბაძე უჩა ნანუაშვილს შეხვდა
აჭარის მთავრობის თავმჯდომარე არჩილ ხაბაძე სახალხო დამცველს უჩა ნანუაშვილს შეხვდა. შეხვედრას ასევე ესწრებოდნენ სახალხო დამცველის აპარატის და აჭარის მთავრობის აპარატის წარმომადგენლები. შეხვედრაზე განიხილეს რეგიონის ძირითადი გამოწვევები, კერძოდ, ე.წ „მუყაოს ქალაქში "თვითნებურად შესახლებულთა საკითხი, ეკომიგრანტთა დახმარებისათვის არსებული რესურსები და პროგრამები, ასევე ბულვარის თემასთან, მუსლიმთა მოთხოვნებთან და ჰესების მშენებლობასთან დაკავშირებული საკითხები. „ჩვენ საკმაოდ დეტალურად ვისაუბრეთ ყველა იმ თემაზე, რომელიც ჩვენი გადმოსახედიდან იყო მნიშვნელოვანი და მივიღეთ საჭირო დეტალური ინფორმაცია. ასევე შევეხეთ იმ რამდენიმე საქმეს, რომელიც ქობულეთის პოლიციის განყოფილებაში მომხდარ არასათანადო მოპყრობის ფაქტებთან იყო დაკავშირებული" - განაცხადა უჩა ნანუაშვილმა შეხვედრის შემდეგ. აჭარის მთავრობის თავმჯდომარემ ისაუბრა სახალხო დამცველის მიერ წარმოდგენილ პრობლემათა გადაჭრის გზებზე, ასევე მთავრობის მიერ ამ მიმართულებით უკვე განხორციელებულ ღონისძიებებზე. „შეხვედრა იყო ძალიან კონსტრუქციული და პროდუქტიული, დაახლოების სამი საათი გაგრძელდა, სახალხო დამცველს მივაწოდეთ ინფორმაცია ყველა იმ საკითხის ირგვლივ, რომელიც მათ აინტერესებდათ, არის რიგი საკითხები სადაც წარმატებები გვაქვს, არის ასევე საკითხები რომელთა გამოსასწორებლად უფრო მეტი ყურადღებაა საჭირო" - განაცხადა არჩილ ხაბაძემ. მან ასევე ისაუბრა იპოთეკარების საკითხში დადებით ძვრებზე. როგორც არჩილ ხაბაძემ მედიასთან ინტერვიუში აღნიშნა, „პირველ ეტაპზე ჯერ კიდევ შარშან, დახმარება გაეწია 30-მდე იპოთეკარს, მომავალ კვირაში კიდევ რამდენიმე იპოთეკარს მიეცემა რეფინანსირების საშუალება". მთავრობის თავმჯდომარე სახალხო დამცველს ესაუბრა ასევე იმ პროექტის შესახებ, რომელიც დაეხმარება ე.წ მუყაოს ქალაქში მცხოვრებ ადამიანებს. პროექტი ითვალისწინებს „სამანერვო სახლის" აშენებას მხოლოდ იმ კატეგორიისთვის, რომელიც ეკომიგრანტთა დახმარების კრიტერიუმებში არ შედის, მაგრამ სახელმწიფოს მხრიდან დახმარებას საჭიროებს. რაც შეეხება ეკომიგრანტებს, არჩილ ხაბაძემ ხაზგასმით აღნიშნა, რომ მათ დასახმარებლად აჭარის მთავრობას სპეციალური პროგრამები აქვს განხორციელებული და ეს დადებითი პროცესი იგივე ტემპით გრძელდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს
კრამონი - ივანიშვილი ცდილობს საქართველოში „რუსკი მირი“ დაამყაროს
ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ
კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს
|
ომი უკრაინაშიმედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
BBC - რუსეთმა კიევსა და ოდესას დრონებით შეუტია
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 060-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|