2016-05-26 15:12:09, 572 ნახვა
რეგიონი
არჩილ ხაბაძემ იუნკერთა მემორიალს პატივი მიაგო
საქართველოს დამოუკიდებლობის დღესთან დაკავშირებით, აჭარის მთავრობის თავმჯდომარემ არჩილ ხაბაძემ, ქალაქ ბათუმის მერმა გიორგი ერმაკოვმა, უმაღლესი საბჭოს თავმჯდომარემ ავთანდილ ბერიძემ რეგიონის საკანონმდებლო და აღმასრულებელი ხელისუფლების წარმომადგენლებთან ერთად იუნკერების საფლავი ყვავილებით შეამკეს. აჭარის მთავრობის ადმინისტრაციის პრესსამსახურის ინფორმაციით, მემორიალთან შეკრებილმა საზოგადოებამ გასული საუკუნის დასაწყისში საქართველოს დამოუკიდებლობისათვის დაღუპული გმირები, მათი ღვაწლი და თავდადება გაიხსენეს. საზღვაო აკადემიის სასულე ორკესტრის მიერ შესრულებული ქართული საბრძოლო მუსიკის ფონზე მემორიალთან შეკრებილმა საზოგადოებამ ანბანის კოშკისკენ გადაინაცვლა. ანბანის კოშკთან ქალაქ ბათუმის მერიის ორგანიზებით 26 მაისის თემატიკაზე გადაღებული ფოტო-გამოფენა მოეწყო, რომელიც მთელი დღის განმავლობაში უმასპინძლებს ბათუმელებსა და მის სტუმრებს. მთავრობის წარმომადგენლები გაეცნენ ასევე ნავმისადგომის ტერიტორიაზე გამოფენილ სამხედრო ტექნიკას. 26 მაისის საიუბილეო წელთან დაკავშირებით მთელ საქართველოში მრავალფეროვანი საზეიმო ღონისძიებები იმართება. დღესვე, ბათუმის ბულვარის კოლონადებთან გაიმართა სამხედრო ფიცის მიღების ცერემონია და ბავშვთა საერთაშორისო ფოლკლორული ფესტივალის მონაწილეთა მსვლელობა ბათუმის ქუჩებში. 26 მაისს, ბათუმი უმასპინძლებს ასევე ამ დღესთან დაკავშირებით სტუმრად ჩამოსულ ქალაქ სტამბოლის მერს ქადირ თოფბაშს. საღამოს 20:00 საათზე, ანბანის კოშკთან ჩატარდება საზეიმო კონცერტი, რომელზე დასწრებაც თავისუფალი იქნება ყველა მოქალაქისა და ქალაქში მყოფი ტურისტისათვის. ავტორი: ირაკლი მანაგაძე , ექსპრესნიუსის რეპორტიორი 2009 წლიდან კალაძე ოპოზიციას - თუ მერიის თანამშრომელს შეუძლია, თქვენს მიტინგზე მივიდეს, რატომ არ შეუძლია ხელისუფლების დაანონსებულ ზეიმზე მოსვლა?
კალაძე არსენალის მთის პროექტზე - 2011 წლიდან კომპანიაში არ ვარ, არანაირი შეხება და ინტერესი არ მაქვს
კალაძე - არავინ ეწევა ისეთ დისკრედიტაციას ევროკავშირის, როგორც კონკრეტული ევროპარლამენტარები
პრემიერი - საქართველოს მართლმადიდებელი ეკლესია ე.წ. ლიბერალების თავდასხმის განსაკუთრებული სამიზნეა
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|