ჩვენ აღარ უნდა ვიოცნებოთ, ჩვენ უნდა ვიმოქმედოთ, - ამის შესახებ ახალი პოლიტიკური მოძრაობის „სახელმწიფო ხალხისთვის“ დამფუძნებელმა, პაატა ბურჭულაძემ პარტიის პირველ ყრილობაზე განაცხადა.

ბურჭულაძეს თქმით, მისი პარტია ხელისუფლებაში მოსასვლელად იბრძოლებს.

„ჩემი სურვილი არ არის, რომ ქართულ პოლიტიკურ სპექტრს კიდევ ერთი პოლიტიკოსი შევმატო ჩემი სახით. ჩვენ უნდა შევცვალოთ საქართველო, ჩვენ ერთად უნდა შევქმნათ ახალი სახელმწიფო, რომელიც ნამდვილად ხალხისთვის იქნება.  ამიტომ ჩვენ მარტო პოლიტიკაში კი არ მოვდივართ, ჩვენ მოვდივართ ხელისუფლებაში და ეს გარდაუვალია. ჩვენ ვიქნებით უფრო ეფექტური, ვიდრე წინა მთავრობები. დღეს იბადება მოძრაობა, რომელიც გამოაღვიძებს საქართველოს. დღეს იბადება ძალა, რომელიც შექმნის ახალ სახელმწიფოს ხალხისათვის,“ - განაცხადა პაატა ბურჭულაძემ.

შეგახსენებთ, რომ პარტიის პირველი ყრილობა დღეს ახალ „სპორტის სასახლეში“ გაიმართა. შეკრებილებს ბურჭულაძემ გუნდის პოლიტიკური პროგრამის ძირითადი მიმართულებები გააცნო და პარტიის ახალი წევრები წარადგინა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აგროდაზღვევის პროგრამის ფარგლებში დასაზღვევი სასოფლო-სამეურნეო მიწის ფართობი გაიზარდა

ვოლსკი - საქართველო აუცილებლად გახდება EU-ის წევრი და ვინც გაჰყვირის, რომ ამისათვის ეროვნული ინტერესების დათმობაა აუცილებელი, დასავლური კურსის დისკრედიტაციაში ის უნდა ვამხილოთ

Amnesty International - პოლიციამ მომიტინგეების წინააღმდეგ გადამეტებული ძალის გამოყენების გამო პასუხი უნდა აგოს

გარემოსდაცვითი ზედამხედველობის დეპარტამენტის თანამშრომლებმა სამეგრელოში უკანონო სახერხი საამქრო გამოავლინეს