10:22 - 29 Mar, 2024
რეკლამა/ხელმოწერა
2016-05-29 15:08:49, 645 ნახვა

საზოგადოება
სოლიდარობის ფონდსა და ღვინის კომპანია შპს „სესიაშვილი“-ს შორის მემორანდუმი გაფორმდა

საქართველოს სოფლის მეურნეობის სამინისტროს ხელშეწყობით, სოლიდარობის ფონდსა და ღვინის კომპანია „სესიაშვილს“-ს შორის ურთიერთთანამშრომლობის მემორანდუმი გაფორმდა. მემორანდუმის ფარგლებში კომპანიის მიერ წარმოებული ღვინის „სიკეთე“ გაყიდული თითოეული ბოთლიდან 50 თეთრი გადაირიცხება „საქართველოს სოლიდარობის ფონდში“  სიმსივნით დაავადებული 22 წლამდე ბავშვებისა და ახალგაზრდების დასახმარებლად.

მემორანდუმის ხელმოწერის ღონისძიება გაიმართა ღვინის ეროვნული სააგენტოს მუზეუმში. ღონისძიებას ესწრებოდნენ სოფლის მეურნეობის მინისტრი ოთარ დანელია, მინისტრის მოადგილეები, სამინისტროს დაქვემდებარებაში მყოფი უწყებების ხელმძღვანელები, სოლიდარობის ფონდის აღმასრულებელი დირექტორი მარიამ ჯაში, კომპანია „სესიაშვილის“ დამფუძნებელი როსტომ სესიაშვილი და ასევე კომპანიის სხვა თანამშრომლები.

დღეს გაფორმებული მემორანდუმი საჯარო და კერძო სექტორის ერთობლივი და უმნიშვნელოვანესი მხარდაჭერის ნათელი მაგალითია, თუ როგორ შეიძლება  სოლიდარობის ფონდში ინოვაციური დაფინანსების მობილიზება სიმსივნით დაავადებული  ბავშვებისა და ახალგაზრდების დასახმარებლად.

ღვინის სახელწოდება „სიკეთე“ და ასევე ბოთლის ეტიკეტზე დატანილი ინფორმაცია, რომ ყოველი გაყიდული ბოთლიდან 50 თეთრი ჩაირიცხება „საქართველოს სოლიდარობის ფონდი“-ში, ემსახურება არამხოლოდ მომხარებელში ამ ღვინის შეძენის სურვილის აღძვრას, არამედ, ნათლად მიანიშნებს მომხარებელს, თუ რას მოემსახურება ღვინის შეძენისას მის მიერ გადახდილი თანხა.

დღევანდელი მონაცემებით, სოლიდარობის ფონდმა 7 მილიონ ლარამდე რესურსების მობილიზება შეძლო საჯარო სამსახურებში დასაქმებული 55 000 თანამშრომლისა და 27 კერძო კომპანიის დახმარებით.

უკვე მობილიზებული და პროგნოზულიდონაციებისგათვალისწინებითსოლიდარობის ფონდმა  სულ 22წლამდე ასაკის 264 სიმსივნით დაავადებული ბავშვისა და ახალგაზრდის მკურნალობის დაფინანსება დაამტკიცა 9.2 მილიონი ლარის მოცულობით, მათ შორის 135 შემთხვევაში საზღვარგარეთ - გერმანიის, ესპანეთის, თურქეთის, იაპონიის, ისრაელის, იტალიისა და საფრანგეთის კლინიკებში.

სოლიდარობის ფონდის დაფუძნებიდან დღემდე საქართველოში სიმსივნით დაავადებული არც ერთი ბავშვი და 22 წლამდე ახალგაზრდა უსახსრობის გამო არ დაღუპულა. ეს არის უმნიშვნელოვანესი შედეგი, რომლის შენარჩუნებაც სასიცოცხლოდ მნიშვნელოვანია და რომელიც მხოლოდ ჩვენი საზოგადოების, საჯარო და კერძო სექტორის კიდევ უფრო მეტი ჩართულობით იქნება შესაძლებელი.

 




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
Reuters - ისრაელის ალეპოზე საჰაერო თავდასხმას 38 ადამიანი, მათ შორის „ჰეზბოლას“ 5 წევრი ემსხვერპლა
Moodys-მა „ლიბერთი ბანკის“ გრძელვადიანი პერსპექტივა სტაბილურამდე გააუმჯობესა
სამხრეთ აფრიკაში ავტოავარიას 45 ადამიანი ემსხვერპლა
კობახიძე - საქართველოს რელიგიური მრავალფეროვნება ჩვენი ქვეყნის ერთ-ერთი უმთავრესი სიმდიდრეა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics