2016-05-31 17:31:56, 686 ნახვა
პოლიტიკა
მინდია ჯანელიძე დიდი ბრიტანეთის ელჩს ალექსანდრა ჰოლ ჰოლს შეხვდა
სახელმწიფო უსაფრთხოებისა და კრიზისების მართვის საბჭოს მდივანმა მინდია ჯანელიძემ დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს საქართველოში, ალექსანდრა ჰოლ ჰოლს უმასპინძლა. შეხვედრას საბჭოს მდივნის მოადგილე ლევან ღირსიაშვილი და ბრიტანეთის საელჩოს პოლიტიკური მდივანი კრის გოფი ესწრებოდნენ. საუბარი შეეხო ორ ქვეყანას შორის უსაფრთხოების და კრიზისების მართვის სფეროში არსებულ პარტნიორულ ურთიერთობებს და თანამშრომლობის გაღრმავებას. მინდია ჯანელიძემ ალექსანდრა ჰოლ ჰოლს საქართველოში გაწეული საქმიანობისთვის და აქტიური მხარდაჭერისთვის მადლობა გადაუხადა. შეხვედრაზე მინდია ჯანელიძემ და ალექსანდრა ჰოლ ჰოლმა საბჭოს აპარატის და ბრიტანელი კოლეგების მიმდინარე ერთობლივი საქმიანობა და სამომავლო გეგმები განიხილეს. ალექსანდრა ჰოლ ჰოლის თქმით, ეროვნული სიტუაციური ოთახის გახსნა ქართულ-ბრიტანული თანამშრომლობის თვალსაჩინო პროექტია და დიდი ბრიტანეთი კიდევ უფრო გააღრმავებს კრიზისების მართვის სფეროში საქართველოსთან თანამშრომლობას. მხარეებმა ასევე ისაუბრეს საქართველოში უსაფრთხოების პოლიტიკის დაგეგმვის პროცესზე. მინდია ჯანელიძის თქმით, ამჟამად საბჭოს აპარატის კოორდინაციით და სხვადასხვა უწყებების ჩართულობით ეროვნული დონის ხუთ სტრატეგიაზე მიმდინარეობს მუშაობა. ალექსანდრა ჰოლ ჰოლმა აღნიშნა, რომ დიდი ბრიტანეთი მზადაა ეროვნული უსაფრთხოების პოლიტიკის დაგეგმვის სფეროში უსაფრთხოების და კრიზისების მართვის საბჭოს აპარატს ექსპერტიზის მიმართულებით აქტიური დახმარება გაუწიოს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
ვიდეო/LIVE საქართველოს დამოუკიდებლობის დღე - პირდაპირი
|