12:08 - 29 Mar, 2024
რეკლამა/ხელმოწერა
2016-05-31 19:06:02, 633 ნახვა

სამხედრო
ვიცე-პოლკოვნიკ ოლე ქრისტიან ემაუსის გაცილების ცერემონიალი გაიმართა

თავდაცვის სამინისტროს შემეცნებით საგანმანათლებლო ცენტრში ნატო-საქართველოს წვრთნისა და შეფასების ერთობლივი ცენტრის ნატოს მხრიდან ხელმძღვანელის, ვიცე-პოლკოვნიკ ოლე ქრისტიან ემაუსის გაცილების ცერემონიალი გაიმართა.

ვიცე-პოლკოვნიკ ქრისტიან ემაუსს ნატო-საქართველოს წვრთნისა და შეფასების ერთობლივი ცენტრის ხელმძღვანელის თანამდებობაზე ვიცე-პოლკოვნიკი იან მარიუს ნილსენი ჩაანაცვლებს.

ვიცე-პოლკოვნიკ ქრისტიან ემაუსს გაწეული საქმიანობისა და დამსახურებისთვის თავდაცვის მინისტრმა თინათინ ხიდაშელმა და გენერალური შტაბის უფროსმა, გენერალ-მაიორმა ვახტანგ კაპანაძემ მადლობა პირადად გადაუხადეს.

„ამ ერთი წლის განმავლობაში, ქრისტიან ემაუსმა ყველა გაგვაოცა საქმისადმი დამოკიდებულებითა და გულწრფელობით. მან უზარმაზარი ნდობა მოიპოვა საქართველოს შეიარაღებული ძალებისა და საქართველოს თავდაცვის სამინისტროსგან. დიდი მადლობა მინდა ვუთხრა მას, ნორვეგიის ხელისუფლებას და ნორვეგიის თავდაცვის სამინისტროს, ასეთი ოფიცრის გამოგზავნისთვის. დარწმუნებული ვარ, რომ მისი შემცვლელიც, რომელიც ასევე ნორვეგიის შეიარაღებულ ძალებს წარმოადგენს, ზუსტად ანალოგიურად გააგრძელებს ჩვენი ქვეყნისთვის მნიშვნელოვან საქმეს“, - აღნიშნა თავდაცვის მინისტრმა თინათინ ხიდაშელმა.

ნორვეგიის შეიარაღებული ძალების ოფიცერს, ვიცე-პოლკოვნიკ ოლე ქრისტიან ემაუსს საქართველოსა და ნატოს შორის სამხედრო თანამშრომლობის განვითარების საკითხებში შეტანილი წვლილისთვის უწყებრივი მედალი „ქაქუცა ჩოლოყაშვილი“ გადაეცა. 

გაცილების ცერემონიალს საქართველოს შეიარაღებული ძალების მაღალი რანგის სამხედრო მოსამსახურეები და ნატოს სამეკავშირეო ოფისის წარმომადგენლები დაესწრნენ.

 




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
გარემოს დაცვისა და სოფლის მეურნეობის სამინისტრომ სახეობათა აღდგენის ეროვნული გეგმის პროექტი სამუშაო შეხვედრაზე განიხილა
მერია - მუნიციპალური ტრანსპორტის სხვადასხვა მარშრუტს 30 მარტიდან ავტობუსები დაემატება
ზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
გარემოს ეროვნული სააგენტო - ატმოსფერულ ჰაერში ფიქსირდება მყარი ნაწილაკების შემცველობის მატება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics