„ეს მდაბიო ქმედება სრულიად სასწრაფოდ და გამჭვირვალედ უნდა იქნეს გამოძიებული, დამნაშავეები კი სასამართლოს წინაშე უნდა წარსდგნენ“, - ასე გამოეხმაურა დიდი ბრიტანეთის პრემიერ-მინისტრი დევიდ ქემერონი რუსი ოპოზიციონერის ბორის ნემცოვის მკვლელობის ფაქტს.

როგორც ქემერონის განცხადებაშია აღნიშნული, ბორის ნემცოვი გამბედავი და იდეური ადამიანი იყო.

„შოკირებული ვარ ბორის ნემცოვის ამაზრზენი მკვლელობით, რომელიც მოსკოვის ცენტრში გასულ ღამეს მოხდა. ეს მდაბიო ქმედება სრულიად სასწრაფოდ და გამჭვირვალედ უნდა იქნეს გამოძიებული, დამნაშავეები კი სასამართლოს წინაშე უნდა წარსდგნენ.

ბორის ნემცოვი გამბედავი და იდეური ადამიანი იყო. ის არ იღლებოდა რუსი ხალხის უფლებების დაცვით და ითხოვდა მათთვის თავისუფლებისა და დემოკრატიის უფლებას, კანონის უზენაესობასა და რუსეთში კორუფციის აღმოფხვრას. ის აკეთებდა ამას ყოველგვარი შიშის გარეშე და არასოდეს არავის აძლევდა მისი დაშინების უფლებას. მის დამსახურებას აფასებდნენ ბრიტანეთში, მათ შორის მისი მეგობრის მარგარეთ ტეტჩერის გამო, რომელიც მისი მკვლელობის გამო შეძრწუნებული იქნებოდა.

ვუსამძიმრებ ბორის ნემცოვის ნათესავებსა და ახლობლებს. ბორის ნემცოვი მკვდარია, თუმცა მისი ღირებულებები არასოდეს მოკვდება“, - ნათქვამია დევიდ ქემერონის განცხადებაში.

შეგახსენებთ,  რუსი ოპოზიციონერი ბორის ნემცოვი გუშინ, მოსკოვის ცენტრში ჩაცხრილეს. მას ექსვი ტყვია ესროლეს, რის შედეგადაც ადგილზე გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს

ვლადიმერ პუტინი მაისში ჩინეთში ვიზიტს გეგმავს

CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი

შოლცი - საფრანგეთს და გერმანიას სურს, რომ ევროპა ძლიერი დარჩეს