საგარეო უწყება: აფხაზეთის სარკინიგზო მონაკვეთის გახსნის საკითხი განხილვის თემა არ ყოფილა

2015-03-01 11:21:52, 296 ნახვა

საგარეო საქმეთა სამინისტროს სპიკერი დავით კერესელიძე ირწმუნება, რომ აფხაზეთის სარკინიგზო მონაკვეთის გახსნის საკითხი, საქართველოში განხილვის თემა არ ყოფილა და არც იგეგმება.
ამის შესახებ კერესელიძემ უწყებაში გამართულ ბრიფინგზე განაცხადა.

„ეს საუბრები საქართველოს მხრიდან არ მოდის. მე შემიძლია დარწმუნებით გითხრათ, რომ არც ერთ დონეზე ამ თემის განხილვა არ ყოფილა და არც იგეგმება. საგარეო საქმეთა სამინისტრო ამას გიდასტურებთ“, – აღნიშნა კერესელიძემ.

ამასთან, კითხვაზე, გადაიხედება თუ არა აბაშიძე-კარასინის ფორმატი, კერესელიძემ უპასუხა : „ მე ვიცი პრემიერ მინისტრის განწყობა ამ ფორმატთან დაკავშირებით, რომელმაც მან გუშინ გააჟღერა. ეს ფორმატი, რომელმაც რაღაც გარკვეული წარმატება მოიტანა, ჯერჯერობით მის გადახედვას არანაირი საფრთხე არ ემუქრება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან