საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი ბოლო პერიოდში ლარის კურსის გაუფასურების მიზეზებს განმარტავს.

როგორც ქუმსიშვილმა ჟურნალისტებს განუცხადა, ძირითადად კურსის გაუფასურება ერთჯერად ტრანზაქციებს უკავშირდება. ქუმსიშვილი მოქალაქეებს მოუწოდებს, არასწორ მოლოდინებს ნუ შეიქმნიან. ამასთან, დიმიტრი ქუმსიშვილის ინფორმაციით, ლარის კურსთან დაკავშირებით არსებული ვითარება ერთჯერადია და კურსი დასტაბილურდება:

„მიზეზებთან დაკავშირებით მოგახსენებთ, ბაზარს ნამდვილად თვალს ვადევნებთ. ერთი მხრივ,  ეს არის  ერთჯერადი ტრანზაქციები,  ერთჯერადი მოთხოვნები, მეორე მხრივ, მინდა, ყველას მოვუწოდო, განსაკუთრებით ჩვეულებრივ მოსახლეობას, ჩემნაირ ადამიანებს, ვისაც არ აქვს სპეციალური ცოდნები  უცხოურ ვალუტასთან დაკავშირებით,  ძალიან გთხოვთ, იყიდეთ მაშინ, როცა გჭირდებათ და გაყიდეთ მაშინ, როცა გჭირდებათ. არ შეიქმნათ არასწორი მოლოდინები , რომ რაღაცა განსაკუთრებული მოხდება ერთ, ან სხვა დროს.ეს არის ძალიან მნიშვნელოვანი, რადგან სამწუხაროდ, მოსახლეობა ყოველთვის აკეთებს პირიქით-ყველაზე მაღალ კურსზე როგორც წესი ყიდულობს ხოლმე  და ყველაზე დაბალ კურსზე ყიდის. მოვლენა, რომელიც ახლა გვაქვს ერთჯერადია და ის ჩადგება თავის კალაპოტში“,-განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომელაური - შსს ყოველდღიურ რეჟიმში, აგრძელებს ნარკოტიკული დანაშაულის წინააღმდეგ ინტენსიურ ბრძოლას

გომელაური ელისაშვილზე - ძალიან ვწუხვარ, ძალიან ცუდია, რომ ეს მოხდა - დაველოდოთ გამოძიებას

გომელაური - სამსახურის გაძლიერების მიზნით, იგეგმება მოწმისა და დაზარალებულის კოორდინატორის სამსახურის რეფორმა

გომელაური - შსს ოჯახში და ქალთა მიმართ ძალადობის პრევენციის მიზნით, პარტნიორ უწყებებთან და ორგანიზაციებთან თანამშრომლობით გეგმავს და ერთვება სხვადასხვა საინფორმაციო კამპანიაში