18:15 - 29 Mar, 2024
რეკლამა/ხელმოწერა
2016-06-24 12:51:46, 622 ნახვა

პოლიტიკა
ექსპერტი: ბრიტანეთის გასვლა განსაკუთრებულ პრობლემებს კაპიტალბრუნვისა და სამუშაო ადგილების კუთხით შექმნის

დიდი ბრიტანეთი  ევროკავშირს დაახლოებით ორ წელიწადში დატოვებს, იქამდე საჭიროა ახალი ხელშეკრულების გაფორმება ბრიტანეთსა და ევროკავშირს შორის, - ამის შესახებ „ექსპრესნიუსთან“ ფონდ „ღია საზოგადოება - საქართველოს“ ევროინტეგრაციის მიმართულების მენეჯერმა ვანო ჩხიკვაძემ ისაუბრა.

მისი თქმით, პროცედურულად ბრიტანეთმა ევროპის საბჭოს ევროკავშირიდან გასვლის თხოვნით უნდა მიმართოს, რასაც ლისაბონის ხელშეკრულების 50-ე მუხლი არეგულირებს.

საერთაშორისო ურთიერთობების სპეციალისტის განცხადებით, ბრიტანეთის გასვლა ბევრ სირთულესთანაა დამოკიდებული. განსაკუთრებით ეს ეკონომიკურ მიმართულებასა და სამუშაო ადგილოებს ეხება, რაც ევროკავშირზე დიდწილად იყო დამოკიდებული.

დიდი ბრიტანეთისა და ევროკავშირის ურთიერთობებს თუ შევაფასებთ, პირველ რიგში აღსანიშნავია ის, რომ დევიდ კამერონი პრემიერ-მინისტრის თანამდებობას ტოვებს. შემოდგომიდან ახალი პრემიერი ეყოლებათ. სწორედ მის შემცვლელს მოუწევს გააკეთოს განაცხადი იმის შესახებ, რომ ბრიტანეთი ევროკავშირის შემადგენლობიდან გადის. ცხადია შემდეგი პრემიერი შეასრულებს, რეფერენდუმის შედეგებს. წინააღმდეგ შემთხვევაში მას მოუწევს იმ გზის გადახვევა, რაც დაუკვეთა მოსახლეობამ. რაც ევროპისთვის დამახასიათებელი არ არის.

მან გააკეთოს ისე, როგორც ეს ლისაბონის ხელშეკრულებით არის გაწერილი, კერძოდ ამას არეგულირებს ლისაბონის ხელშეკრულების 50-ე მუხლი. უნდა შეატყობინოს ევროპის საბჭოს გასვლის თაობაზე. სტანდარტულად ორწლიანი ვადა არსებობს, ამ ორი წლის მანძილზე უნდა მოხდეს ახალი შეთახნემბის გაფორმება, რომელიც მათ შორის ურთიერთობებს დაარეგულირებს“, - აცხადებს სპეციალისტი.

მისივე შეფასებით, ეს გავლენას იქონიებს ბრიტანეთის ეკონომიკაზე, განსაკუთრებით კი სამუშაო ადგილებზე.  

„ცხადია ამას დიდი გავლენა ექნება უშუალოდ იმ ოთხი თავისუფლების პრინციპზე, რაზეც ევროკავშირი დგას. ეს ეხება საქონლის კაპიტალისა და მუშა ხელის თავისუფალ გადაადგილებას. ევროკავშირს ფუნდამენტური საფუძვლების გადახედვა მოუწევს.

ირლანდიიდან ევროკავშირის ქვეყნებში კაპიტალბრუნვა დაახლოებით 1 მილიარდ დოლარს შეადგენს და ამაზეა დამოკიდებული დაახლოებით 400 000 სამუშაო ადგილი.

შოტლანდიის რეფერენდუმს რაც შეეხება, ეს ძალიან საინტერესოა. შოტლანდიამ უნდა ჩაატაროს რეფერენდუმი ბრიტანეთიდან გამოსვლის შემდეგ და დარჩეს ევროკავშირში. ეს მეორე მიმართულებაა. დაველოდოთ პროცესების განვითარებას“, - განუცხადა „ექსპრესნიუსს“ ვანო ჩხიკვაძემ.

ცნობისთვის, დიდ ბრიტანეთში ჩატარებულ რეფერენდუმზე ამომრჩევლებმა ევროკავშირიდან გასვლას მხარი დაუჭირეს. მოქალაქეთა 51,9%-მა ევროკავშირიდან გასვლას დაუჭირა მხარი, მოწინააღმდეგე კი, 48,1% იყო.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
პრეზიდენტი - ჩემი მოწოდებაა, ყველამ ერთად დავიწყოთ მუშაობა, რათა დიასპორას საარჩევნო უფლება მივცეთ
ე.წ. კანონიერმა ქურდმა, შაქრო კალაშოვმა საპატიმრო დატოვა
სუს-მა ქრთამის აღების ფაქტზე გადაუდებელი დახმარების ცენტრის 3 ყოფილი თანამშრომელი დააკავა
სააკაშვილი - უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics