2016-06-24 17:08:03, 646 ნახვა
სამხედრო
სნაიპერული შაშხანიდან სროლაში შეჯიბრება გაიმართა
ეროვნულ სასწავლო ცენტრ „კრწანისის“ სასროლეთზე სნაიპერული შაშხანიდან სროლაში შეჯიბრება გაიმართა. თავდაცვის სამინისტროს ინფორმაციით, სპორტულ ღონისძიებაში სახმელეთო ჯარების აღმოსავლეთ და დასავლეთ სარდლობების დაქვემდებარებული ბრიგადებიდან, სპეციალური ოპერაციული ძალების რეინჯერთა ბატალიონიდან, ასევე ეროვნული გვარდიის მე-10 და მე-20 კადრირებული ბრიგადებიდან სპეციალურად შერჩეული სნაიპერთა ჯგუფები მონაწილეობდნენ. უწყების ცნობით, შეჯიბრება ოთხ ეტაპად ჩატარდა. პირველ და მეორე ეტაპებზე სამხედრო მოსამსახურეებმა 100-იდან 600 მეტრამდე დისტანციაზე სხვადასხვა საცეცხლე პოზიციებიდან ისროლეს, მესამე ეტაპი 200-დან 500 მეტრამდე ღამის სროლებს მოიცავდა, ხოლო, მეოთხე ეტაპზე სნაიპერებმა 700-იდან 900 მეტრის მანძილზე ისროლეს. შეჯიბრებაში გამარჯვებულები ქულათა საერთო ჯამის დათვლით გამოვლინდნენ. საქართველოს შეიარაღებული ძალების II ქვეითი ბრიგადის სპეციალურად შერჩეულმა სამხედრო მოსამსახურეებმა როგორც გუნდურ ასევე ინდივიდუალურ შეჯიბრებაში გაიმარჯვეს. დაჯილდოების ცერემონიალზე გამარჯვებულებს თასი და მედლები გადაეცათ. სპორტული ღონისძიების ორგანიზებას და დაკვირვებას საქართველოს თავდაცვის სამინისტროს სპორტული ღონისძიებების დაგეგმვისა და ფიზიკური მომზადების შეფასების სამმართველო აწარმოებდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|