ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი გერმანიის ფედერაციული რესპუბლიკის ბუნდესტაგის საბიუჯეტო აუდიტის კომიტეტის დელეგაციას შეხვდა, რომელსაც საბიუჯეტო აუდიტის კომიტეტის თავმჯდომარე, ბეტინა ჰაგედორნი ხელმძღვანელობს.

ფინანსთა მინისტრის პირველმა მოადგილემ სტუმრებს მადლობა გადაუხადა გერმანიის მხარდაჭერისთვის როგორც ფინანსური დახმარების კუთხით, ასევე, ევროპასთან ურთიერთობის გაღრმავების მიმართულებით.

სამინისტროს ინფორმაციით, შეხვედრაზე განიხილეს ორმხრივი თანამშრომლობის საკითხები, ასევე ფინანსური თანამშრომლობის ფარგლებში მიმდინარე პროექტები. ამჟამად საჯარო სექტორში, გერმანიის ფედერაციული რესპუბლიკის მხარდაჭერით, 6 პროექტი მიმდინარეობს წყლისა და კანალიზაციის ინფრასტრუქტურის, ენერგეტიკის, გარემოს დაცვის სფეროებში და ასევე, იძულებით გადაადგილებულ პირთა მხარდაჭერის მიზნით. მიმდინარე საინვესტიციო პროექტების მოცულობა, დაახლოებით, 195.4 მილიონ ევროს შეადგენს.

საუბარი, ასევე, შეეხო ტექნიკური დახმარების საკითხებს, რომელიც ქვეყანაში გერმანიის საერთაშორისო თანამშრომლობის საზოგადოების (GIZ) დახმარებით მიმდინარეობს. როგორც აღინიშნა, მნიშნელოვანია GIZ-ის მიერ გაწეული ტექნიკური მხარდაჭერა საჯარო ფინანსების მართვის კუთხითაც, რაც მოიცავს გერმანელი ექსპერტების მონაწილეობას ტრენინგების მომზადებაში, გერმანიის საუკეთესო გამოცდილების გაზიარებასა და კვალიფიკაციის ამაღლებას თანამშრომელებისათვის.

შეხვედრაზე ხაზი გაესვა პროგრამული ბიუჯეტირების, სახელმწიფო შიდა კონტროლის, საერთაშორისო დაბეგვრის, საბაჟო და საგადასახადო კანონმდებლობის ევროკავშირთან ჰარმონიზაციის მიმართულებებით გერმანელი პარტნიორების დახმარებას.

გერმანიის ფედერაციული რესპუბლიკის ბუნდესტაგის საბიუჯეტო აუდიტის კომიტეტის დელეგაციის ვიზიტი საქართველოში 30 ივნისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა