10:00 - 29 Mar, 2024
რეკლამა/ხელმოწერა
2015-03-02 13:34:13, 488 ნახვა

საზოგადოება
სახელმწიფო დაზღვევის პროგრამით უშვილო წყვილების მკურნალობის დაფინანსება უახლოეს მომავალში არ იგეგმება

სახელმწიფო დაზღვევის პროგრამით უშვილო წყვილების მკურნალობის დაფინანსება უახლოეს მომავალში არ იგეგმება.

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის დიმიტრი ხუნდაძის განცხადებით, ეს ძვირადღირებული სერვისია და ჯანდაცვის სფეროში გამოყოფილი ფინანსური რესურსი პრიორიტეტების მიხედვით უნდა იყოს გამოყენებული.

„სახელმწიფო დაზღვევის პროგრამით ყველაფერი ვერ იქნება დაფინანსებული. ეს არის საკმაოდ ძვირადღირებული სერვისი, ამიტომ, ვფიქრობ პრიორიტეტების მიხედვით უნდა გამოვიყენოთ ის ფინანსური რესურსი, რაც ჯანდაცვისთვის არც თუ ისე მცირეა გამოყოფილი, ეს არის ბიუჯეტის თითქმის 30%. უშვილო წყვილების მკურნალობის დაფინანსების შესახებ დაპირება არ ყოფილა“, - აღნიშნა ხუნდაძემ.

ამასთან, ჯანდაცვის მინისტრის დავით სერგეენკოს თქმით, სახელმწიფო დაზღვევის პროგრამით უშვილო წყვილების მკურნალობა დაფინანსდება მაშინ, როდესაც ამის საშუალება იქნება.

„უშვილო წყვილების დაფინანსება, ისევე, როგორც ნებისმიერი სხვა რამ, ძალიან მნიშვნელოვანია. ჯანდაცვაში უფრო მეტად - უფრო ნაკლებად მნიშვნელოვანი საკითხები არ არსებობს, თუმცა, გადაწყვეტილებების მიღება ხდება მიმდინარე მწვავე ოპერატიული პრობლემების გადაჭრის გზით. რაც შეეხება პერსპექტივებს, ვნახოთ, როგორც კი ამის საშუალება გაჩნდება, ვფიქრობ, ეს განხორციელდება“, - განაცხადა დავით სერგეენკომ.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
სამხრეთ აფრიკაში ავტოავარიას 45 ადამიანი ემსხვერპლა
კობახიძე - საქართველოს რელიგიური მრავალფეროვნება ჩვენი ქვეყნის ერთ-ერთი უმთავრესი სიმდიდრეა
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics