„შვილად აყვანის პროცესში შვილად ასაყვან  ბავშვსა და შვილად აყვანის მსურველს შორის თავსებადობა იქნება გასათვალისწინებელი“,-ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავჯდომარემ დიმიტრი ხუნდაძემ ჟურნალისტებს  სასტუმრო „რედისონში“ განუცხდა, სადაც აღნიშნულმა  კომიტეტმა 2015 - 2016 წლების სამოქმედო გეგმა წარადგინა.
მისივე თქმით, შვილად აყვანის პროცესში აუცილებლად უნდა იყოს გათვალისწინებული ოჯახის სოციალურ- ეკონომიკური მდგომარეობა და ასაკობრივი ზღვარი.
„შვილად აყვანა არის ქვეყანაში ერთ-ერთი ყველაზე მტკივნეული და მნიშვნელოვანი საკითხი. საზოგადოების  დიდი ნაწილი ელოდება,  რომ საკანონმდებლო უზრუნველყოფა მოხდეს და დარეგულირდეს ის აუცილებელი მექანიზმები,  რაც აშკარად ჩარევას და გამოსწორებას ითხოვს. სახელმწიფოს მთავარი მიდგომა იქნება იმ ბავშვებს, რომლებსაც  არა აქვს ბიოლოგიურ ოჯახში ყოფნის საშუალება მათ შევუქმნათ ოჯახური  გარემო და დავიცვათ. გასათავალისწინებელი იქნება თავსებადობა შვილის აყვანის მსურველსა და შვილად ასაყვან  ბავშვს შორის, აუცილებელად უნდა იყოს გათვალისწინებული ოჯახის სოცილაურ -ეკონომიკური მდგომარეობა, ასევე ასაკობრივი ზღვარი უნდა დაწესდეს, რადგან  არ აღმოჩნდეს ისე, რომ ასაკში მყოფმა  აიყვანოს მცირეწლოვანი ბავშვი, რომელიც რამდენიმე წელში შეიძლება გახდეს ასაკოვანი მშობლის  მომვლელი და მისი ინტერესი არ იყოს დაცული“,-აღნიშნა დიმიტრი ხუნდაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პატრუშევმა დავალება გასცა, დაარწმუნონ საქართველოს ხელმძღვანელობა, ყველანაირი საშუალების გამოყენებით დაშალოს დემონსტრანტები

ოხანაშვილი - საინტერესოა, რამდენად ჯდება დემოკრატიულ სტანდარტში, როდესაც ხდება მოწოდება, „მე ვისროლე მოლოტოვის კოქტეილი“ კონკრეტული ორგანიზაციების სახელით

ომბუდსმენის აპარატი - იზოლატორში მყოფთაგან ერთი პირი მიუთითებდა არასათანადო მოპყრობაზე - აღენიშნებოდა დაზიანებაც

შსს - პოლიციამ ხელწერილით გაათავისუფლა აქციაზე დაკავებული 4 პირი, ხოლო 10 იზოლატორშია გადაყვანილი