გაერო-ს გენერალურმა მდივანმა პან გი მუნმა მსოფლიო ლიდერებს ტერორიზმის წინააღმდეგ ბრძოლაში თანამშრომლობის გაძლიერებისკენ მოუწოდა.

გაერო-ს გენერალურმა მდივანმა სტამბოლში განხორციელებული თავდასხმების სერია დაგმო და გარდაცვლილთა ოჯახებს, თურქეთის მთავრობასა და მოსახლეობას მიუსამძიმრა.

“გაერო-ს გენერალური მდივანი მხარდაჭერას უცხადებს თურქეთს, რომელიც საფრთხეებს უპირისპირდება, და ხაზს უსვამს ტერორიზმისა და ძალადობრივი ექსტრემიზმის წინააღმდეგ ბრძოლის რეგიონული და საერთაშორისო ძალისხმევის გააქტიურების აუცილებლობას”, - ნათქავმია გაერო-ს გენერალური მდივნის განცხადებაში.

ამასთან, პან გი მუნმა იმედი გამოთქვა, რომ გამოძიება  ტერაქტებთან კავშირში მყოფ პირებს გამოავლენს.

შეგახსენებთ, რომ ათათურქის აეროპორტში ტერაქტის შედეგად, ბოლო მონაცმებით, 50 ადამიანი გარდაიცვალა და 147 დაშავდა.

სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს.

მსხვერპლთა შორის არიან უცხო ქვეყნის მოქალაქეები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსთა მინისტრი ევროპის რეკონსტრუქციისა და განვითარების ბანკის პრეზიდენტს შეხვდა

კალაძე დეგნანზე - გვახსოვს მისი განცხადებები, რომელიც ყოველგვარ დიპლომატიურ ურთიერთობას აცდენილია

კალაძე - შეიძლება რაღაცაში ვცდებით, ადამიანები ვართ, მაგრამ მეგობარი რომ ხარ, უნდა მითხრა კონკრეტული არგუმენტები, სად ვუშვებ შეცდომას

პაპუაშვილი ოპოზიციონერ ქალებზე - ხელში მაუზერი რომ ეჭიროთ, ისე დაგვახლიდნენ თავში როგორც არაფერი