"რესპუბლიკური პარტიის" წევრის ლევან ბერძენიშვილის განცხადებით, მისთვის აბსოლუტურად არაა საინტერესო, თუ რა შანსები აქვს  არჩევნებზე "ქართულ ოცნებას".

როგორც ბერძენიშვილმა "ექსპრესნიუსს" განუცხადა,  არც "რუსთავი2"-ის დაკვეთით და არც "ქართული ოცნების" მიერ ჩატარებულ კვლევებს არ ენდობა:

" აბსოლუტურად არ მაინტერესებს, რა შანსები აქვს "ქართულ ოცნებას" არჩევნებზე, ჩვენ ახლა ვსწავლობთ, ჩვენ რა შანსები გვაქვს. არც ერთ კვლევას არ ვენდობი, არც ერთი არ გვინახავს ჩვენ. არც ვიცი საერთოდ ჩატარდა თუ არა,  იმაზეც არ მაქვს ინფორმაცია იმიტომ, რომ ეს განგვიცხადა ერთმა და მეორემ ჩავატარეთო, ჩვენ არ გვინახავს და ნდობა არ მაქვს არც ერთის და არც მეორე მხარის.  კვლევას ჩვენ თვითონ რომ ჩავატარებთ, იმას მივაქცევთ ყურადღებას.ასეთებს ბევრს იტყვიან კიდევ, იტყვიან 90-ს, 100-ს ავიღებთ.150 აიღონ, არაა პრობლემა. "რესპუბლიკელებს"  რა შანსი გვაქვს, მაგაზე ვშრომობთ, მაგ კვლევებში რას ამბობენ ხომ იცით? "რესპუბლიკელებს" არ აქვთ არანაირი შანსი, ხოლო ჩვენ დავამტკიცებთ, რომ გვაქვს. რომ მოხვდებით პარლამენტში მოგიყვებით როგორ მოვხდით, როგორ ვიბრძოლეთ და ა.შ. კვლევების მიხედვით რომ ვიცხოვროთ, ახლავე უნდა ჩავწვეთ კუბოში და დავიმარხოთ",-განუცხადა ლევან ბერძენიშვილმა "ექსპრესნიუსს".

შეგახსენებთ, სოციოლოგ ზურაბ ბიგვავას განცხადებით,  „ქართული ოცნება - დემოკრატიული საქართველოს“ შიდა კვლევებით, პარტიის რეიტინგი 35%-ია, „ნაციონალური მოძრაობის“ კი, 13%-მდე.

„რუსთავი 2“-ის დაკვეთით გერმანულ-ამერიკული ორგანიზაციის GFK-ს სოციოლოგიური კვლევის თანახმად კი,  ტელეკომპანიის ინფორმაციით, კითხვაზე – თუ ჩავთვლით, რომ 8 ოქტომბრის საპარლამენტო არჩევნებში მონაწილეობთ, რომელ პარტიას მისცემდით ხმას გამოკითხულთა 22.4%-მა დაასახელა „ქართული ოცნება“, „ერთიანი ნაციონალური მოძრაობა“ კი 21.7%-მა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა