15:54 - 28 Mar, 2024
რეკლამა/ხელმოწერა
2016-07-01 16:53:35, 599 ნახვა

რეგიონი
ჰოლანდიელმა ექსპერტებმა მეხილეობის საკითხებზე სემინარი გამართეს

სოფლის მეურნეობის სამინისტროს სამეცნიერო-კვლევით ცენტრში ვაგენინგენის უნივერსიტეტის (ნიდერლანდების სამეფო) ექსპერტებმა მეხილეობის საკითხებზე ოთხდღიანი სემინარი ჩაატარეს. სემინარი სოფლის მეურნეობის მინისტრის მოადგილემ, იური ნოზაძემ გახსნა. 

„მსგავსი ტიპის სემინარები ექსტენციონისტებს, ფერმერებსა და დაინტერესებულ პირებს შესაძლებლობას აძლევს  თეორიული ცოდნა გაიღრმავონ ხეხილის ბაღების მოწყობის საკითხებზე. ძალიან მნიშვნელოვანია, რომ სასწავლო კურსის პრაქტიკულ ნაწილში მონაწილეებს საშუალება ჰქონდათ საქართველოს სხვადასხვა რეგიონში არსებული ხილის გადამამუშავებელი საწარმოების მუშაობის სპეციფიკას გაცნობოდნენ“, - აღნიშნა სოფლის მეურნეობის მინისტრის მოადგილემ, იური ნოზაძემ. 

სემინარზე ვაგენინგენის უნივერსიტეტის ექსპერტებმა ხეხილოვანი კულტურების (ვაშლი, მსხალი, ატამი, ბალი, ქლიავი) წარმოების თანამედროვე ტექნოლოგიების, ხეხილის ბაღის გაშენების სპეციფიკის, მოწყობისა და დიზაინის, სხვლა-ფორმირების, ირიგაციისა და მცენარეთა ინტეგრირებული დაცვის საკითხებზე ისაუბრეს; სასწავლო კურსის ფორმატში განიხილეს ხეხილოვანი კულტურების წარმოების სრული ციკლის დაგეგმვისა და ჰოლანდიაში მეხილეობის დარგში არსებული ინოვაციების საკითხებიც.
სასწავლო კურსის პრაქტიკული ნაწილის ფარგლებში, მსმენელებმა წილკანსა და ჯიღაურაში მდებარე ხეხილის და ვაზის საკოლექციო ნაკვეთები, აგრეთვე ცენტრის ლაბორატორიები დაათვალიერეს და კვლევების მიმდინარეობას ადგილზე გაეცნენ. 

მეხილეობის დარგის საკითხებზე გამართულ სემინარს სოფლის მეურნეობის სამინისტროს საინფორმაციო-საკონსულტაციო სამსახურების წარმომადგენლები, ფერმერები, ექსტენციონისტები და აგროკონსულტანტები ესწრებოდნენ. 

(NS)

 




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
საქართველოს პროკურატურაში, ევროკავშირთან თანამშრომლობით, არასრულწლოვანთა მართლმსაჯულების საკითხებზე პროკურორთა და გამომძიებელთა სპეციალიზაციის კურსი ჩატარდა
თავდაცვის მინისტრი აფხაზეთის ოკუპირებული ტერიტორიიდან გადმოსვენებულთა პანაშვიდს დაესწრო
შოლცი - გერმანია უკრაინისთვის Taurus-ების მიწოდებაზე უარს ამბობს, რადგან რუსეთსა და ნატოს შორის ომის თავიდან არიდებას ცდილობს
ნინო თანდილაშვილმა ბრიუსელში, გენერალური დირექტორატის სამუშაო შეხვედრაში მიიღო მონაწილეობა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics