2015-03-04 14:12:13, 346 ნახვა
პოლიტიკა
წულუკიანი მიიჩნევს, რომ გამოძიება ჯერ ჩამორთმეული ქონებებზე უნდა დაიწყოს
იუსტიციის მინისტრი თეა წულუკიანის მიიჩნევს, რომ გამოძიება პირველ რიგში ჩამორთმეულ ქონებებთან დაკავშირებით უნდა დაიწყოს. ამის შესახებ წულუკიანმა ჟურნალისტებს „თბილისი მერიოტში“ „სამართალწარმოების პროცესში ჩადენილი დანაშაულის გამოძიების დეპარტამენტის“ პრეზენტაციის დასრულების შემდეგ განუცხადა. მინისტრის შეფასებით, ქონების საკითხთან დაკავშირებით საქმის გამოძიება ადვილად მოხდება, რადგან ქონებების უმრავლესობა სახელმწიფოს განკარგულებაშია. „მინდა საჯაროდ მივესალმო იმას, რომ პროკურატურამ ეს დეპარტამენტი შექმნა. რაც შეეხება იმ დახარისხებულ საქმეებს, რაც ეკონომიკის სამინისტროსთან ერთად გაკეთდა, იკვეთება ერთი რამ, რომ ქონების ჩამორთმევის რამდენიმე ასეული საქმეა და ამ ქონებების უმრავლესობა სახელმწიფოს ხელშია. ეკონომიკის სამინისტრო იმუშავებს იმისათვის, რომ პირველ რიგში ამ ნაწილში აღდგეს სამართლიანობა. რაც შეეხება განაჩენების გადახედვას, აქაც 1000–მდე საქმეა გადასახედი და ალბათ, ჯერ გამოძიება უნდა ჩატარდეს, რათა დადგინდეს იყო თუ არა ესა თუ ის განაჩენი უკანონო და მოხდეს გამოძიება, ხომ არ იყო მასალები მოპოვებული, ზეწოლის, მუქარის ან სხვა გზით. საქმეების დახარისხება პროკურატურასთან ერთად ეკონომიკის სამინისტრომ მოახდინა, რადგან გარკვეულიყო რა ტიპის ფინანსურ გამოწვევებთან შეიძლება დამდგარიყო სახელმწიფო, იმიტომ ,რომ სამართლიანობის აღდგენის პროცესში ყველაფერი თანხებამდე მიდის. საქმეების დახარისხება აჩვენებს, რომ შეიძლება გარკვეული საქმე ნაკლები ფინანსური დანაკარგით იყოს მოგვარებული, მაგალითისთვის შემიძლია გითხრათ, წყნეთის აგარაკები, რომელიც სახელმწიფოს პრივატიზაციაში არ გაუტანია, მარტივად იქნას გამოძიებული და დაუბრუნდეს კანონიერ მფლობელს“, – აღნიშნა წულუკიანმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან გერმანიამ უკრაინის სამხედრო დახმარების ახალი პაკეტი გამოაცხადა
პროკურატურამ, ე.წ. ქოლ ცენტრის მეშვეობით დიდი ოდენობით თანხების მოტყუებით დაუფლების ფაქტზე, 2 პირს ბრალდება წარუდგინა
ირაკლი ქარქაშაძე - დაპირება, რომ გაზაფხულზე ქუთაისის აეროპორტის მგზავრებს ქალაქის ცენტრამდე ახალი ავტობუსები მოემსახურებოდა, შესრულებულია
როლანდ ბერიძე ქედის საჯარო სკოლაში სამედიცინო ოთახის გახსნის ღონისძიებას დაესწრო
|
ომი უკრაინაშიგერმანიამ უკრაინის სამხედრო დახმარების ახალი პაკეტი გამოაცხადა
უკრაინის გენშტაბი - საომარი მოქმედებების დაწყებიდან დღემდე, უკრაინაში 439 970-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 439 190-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|