2016-07-21 17:49:48, 1115 ნახვა
სამართალი
ვახტანგ ხმალაძე: პაპუაშვილის განცხადებაზე სათანადო გამოძიება უნდა ჩატარდეს
საკონტიტუციო სასამართლოს თავმჯდომარის, გიორგი პაპუაშვილის განცხადების საფუძველზე, პროკურატურამ გამოძიება უნდა დაიწყოს, - ამის შესახებ „ექსპრესნიუსს“ პარლამენტის იურიდიულ საკითხთა კომიტეტის თავმჯდომარე ვახტანგ ხმალაძემ განუცხადა. მისი თქმით, თვალთვალი და შანტაჟი დანაშაულია და ამის ჩამდენი უნდა ისჯებოდეს. „თუ მოსამართლეებზე მიმდინარეობს ზემოქმედება, მათ შორის ფარული თვალთვალი და ა.შ., ეს არის დანაშაული და დანაშაული უნდა ისჯებოდეს. ასეთ დროს, უნდა მიმართო სამართალდამცავებსა და პროკურატურას. სათანადო გამოძიება უნდა ჩატარდეს და დანაშაულის ფაქტის დადასტურების შემთხვევაში, დამნაშავეებმა პასუხი უნდა აგონ. ეს ინფორმაცია, რაც პაპუაშვილმა განაცხადა, არის საკმარისი იმისთვის, რომ სისლის სამართლის საქმე აღიძრას, მაგრამ ამ განცხადების საფუძველზე ვერ იტყვის პროკურატურა, ვინ არის დამნაშავის ჩამდენი თუ დამატებითი ინფორმაცია არ მოვიპოვეთ. პროკურატურამ უნდა ჩაატაროს კანონით გათვალისწინებული გამოკითხვა, მათ შორის პაპუაშვილიც უნდა დაიკითხოს“, - აცხადებს დეპუტატი. შეგხსენებთ, საკონსტიტუციო სასამართლოს თავმჯდომარე გიორგი პაპუაშვილის განცხადებით, მოსამართლეებზე მიზანმიმართული ზეწოლა მიმდინარეობს. "დღეს მინდა ახალ საგანგაშო ფაქტებზე გესაუბრობთ, რომელიც ბოლო დღეებში მიმდინარეობს. მიზანმიმართული ზეწოლა მოსამართლებზე, რაც გამოიხატება ფარულ თვალთვალში, მათი ოჯახის წევრების მიზანმიმართულ შევიწროვებაში, დაშანტაჟებაში, რომ მათი ახლო ნათესავები დაკავებულები იქნებიან სხადასხვა მიზეზით. ასევე პირადი ინფორმაციის გასაჯროებით, რომელიც დაკავშირებულია მოსამართლეების პირად ცხოვრებასთან. ყველა ეს საქმე დაკავშირებულია მაღალი საზოგადოებრივი ინტერესის მქონე საქმეებთან, რომლებიც ახლა განიხილება სასამართლოში და მიმართულია იმისკენ, რომ მათ გადაწყვეტილება მიიღონ ხელისუფლების სასარგებლოდ, ან მაქსიმალურად გააჭიანურონ ამ გადაწყვეტილების მიღების პროცესი", - განაცხადა პაპუაშვილმა. როგორც პაპუაშვილმა განმარტა, მთავარი ამოცანაა დღეს მოხდეს პრევენცია და მოსამართლეებს ჰქონდეს საშუალება გადაწყვეტილება კონსტიტუციის და შინაგანი რწმენის საფუძველზე მიიღონ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან როთი კობახიძეს - გთხოვთ, გაიწვიოთ კანონპროექტი!
სოფელ დიღომში სპორტული მოედნებისა და დასასვენებელი სივრცის მოწყობა მიმდინარეობს
გორის მუნიციპალიტეტის სოფლებში, იძულებით გადაადგილებული ოჯახების საკუთრებაში არსებულ მიწის ნაკვეთებზე სათბურები მოეწყო
შამუგია - სახელმწიფოს მხარდაჭერის შედეგად ლურჯი მოცვი ჩვენი ფერმერების შემოსავლის მნიშვნელოვანი წყარო გახდება
|
ომი უკრაინაშირუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|