საქართველოს პრეზიდენტი გიორგი მარგველაშვილი Twitter-ის საკუთარ გვერდზე მიუნხენის სავაჭრო ცენტრზე თავდასხმას ეხმიანება და მომხდარის გამო მწუხარებას გამოთქვამს.

"აღშფოთებული ვარ, მიუნხენის საზარელი ტერაქტის გამო, რომელმაც ადამიანების სიცოცხლე შეიწირა. ჩვენი ფიქრებით და ლოცვით თავდასხმის მსხვერპლის და მათი ოჯახების გვერდით ვართ,"  - წერს საქართველოს პრეზიდენტი Twitter-ზე.

ცნობისთვის, მიუნხენის პოლიცია ოლიმპიურ სავაჭრო ცენტრში სროლების შედეგად შვიდი ადამიანის გარდაცვალების შესახებ ინფორმაციას ადასტურებს. მანამდე სხვადასხვა გერმანულმა მედიასაშუალებამ გაავრცელა ინფორმაცია 15 დაღუპულის შესახებ. Abendzeitung თვითმხილველებზე დაყრდნობით წერს რომ გარდაცვლილები 6 ზე მეტია. ხოლო "დოიჩე ველე" თავდაპირველად პოლიციის დასტურის გარეშე ასევე თვითმხილველებზე დაყრდნობით 15 გარდაცვლილზე წერდა.

მიუნხენში დღევანდელი სროლების გამო, განსაკუთრებული მდგომარეობა გამოცხადდა.

„დოიჩე ველე“ პოლიციაზე დაყრდნობით იუწყება, რომ მიუნხენში სროლები სამ ადგილზე განხორციელდა - ოლიმპიურ სავაჭრო ცენტრში, ჰანაუერშტრასისა და რისშტრასეს ქუჩებზე.

პოლიცია ასევე მოუწოდებს მოსახლეობას არ გამოვიდნენ ქუჩაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters - უკრაინა აცხადებს, რომ რუსული ბომბდამშენი ჩამოაგდეს

რუსთავის საკრებულოში „ოცნების“ ფრაქცია - მივმართეთ საკრებულოს თავმჯდომარეს, ჩანიშნოს სხდომა, რომელზეც ძირითად საკითხებად იქნება საკრებულოს თავმჯდომარის და მისი მოადგილეების გადაყენების საკითხი

დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა

„ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში, უსაფრთხო საცხოვრისი დამატებით 27-მა ეკომიგრანტმა ოჯახმა შეიძინა