თუ თურქეთი სიკვდილით დასჯას აღადგენს, ევროკავშირი მასთან მოლაპარაკებებს დაუყოვნებლივ შეწყვეტს, - ამის შესახებ ევროკომისიის თავმჯდომარემ ჟან-კლოდ იუნკერმა განაცხადა.

ინფორმაციას Reuters ავრცელებს.

იუნკერის თქმით, ევროკავშირში იმ ქვეყნის ადგილი არ არის, რომელშის სიკვდილით დასჯა არსებობს.

„თუ თურქეთი სიკვდილით დასჯას აღადგენს, ჩვენ დაუყოვნებლივ შევწყვეტთ მასთან მოლაპარაკებებს, რადგან ევროკავშირში არ არის იმ ქვეყნის ადგილი, რომლის საკანონმდებლო არსენალში სიკვდილით დასჯა არსებობს“, - განაცხადა იუნკერმა.

მან ასევე თურქეთის ევროკავშირში გაწევრიანების პერსპექტივებზე ისაუბრა და აღნიშნა, რომ უახლოეს მომავალში თურქეთი ევროკავშირში გაწევრიანებას ვერ შეძლებს.

შეგახსენებთ, რომ თურქეთში სამხედრო გადატრიალების მცდელობა მოხდა, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა. თურქეთში ამ დრომდე მასიური "წმენდა" მიმდინარეობს, ათობით ათასი ადამიანი დაკავებულია.

ცნობისთვის, თურქეთის პრეზიდენტი და მთავრობა, სიკვდილით დასჯის კანონის შემოღებას განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება